ЖССТ Туркманистоннинг коронавирус тарқалишига қарши кўраётган чораларига баҳо берди
Туркманистон расмий ҳукуматининг маълумотларига кўра, мамлакатда коронавирусга чалиниш билан боғлиқ ҳолатлар қайд этилмаган.
Туркманистон ўз ҳудудини санитар ҳимоялаш бўйича жуда жиддий чораларни қабул қилди ва бу муаммога бошқа мамлакатлар сингари жиддий ёндашмоқда, деди ЖССТнинг Туркманистондаги офиси раҳбари Паулина Карвовска.
Унинг сўзларига кўра, Ашхобод янги вирус тўғрисидаги дастлабки хабарлардан кейиноқ вируснинг мамлакат ҳудудига кириб келмаслиги учун энг юқори даражадаги қарорларни қабул қилган.
Карвовска шунингдек, Туркманобод ва Туркманбоши шаҳарларидаги тиббиёт муассасаларига қилган ташрифи тўғрисида ҳам сўз юритди.
"Ташриф давомида Туркманистон томонидан мамлакатга коронавирус кириб келишининг олдини олиш бўйича амалга оширилаётган ишлар билан танишдик. Бу марказлар беморларни тезда даволаш ва изоляция қилишда муҳим роль ўйнайди", - деди у.
Карвовска ЖССТ Туркманистондаги коронавирус билан боғлиқ вазиятни қандай баҳолаши тўғрисидаги саволга бу масалада Туркманистон соғлиқни сақлаш органларига таянишини айтиб жавоб берди.
"Биз тасдиқланган ҳолатлар бўйича Туркманистон соғлиқни сақлаш органлари маълумотларига таянамиз ва шу вақтгача бундай ҳолатлар ҳақида маълумот келиб тушмади, - деди у.
Туркманистон расмий ҳукуматининг маълумотларига кўра, мамлакатда коронавирусга чалиниш билан боғлиқ ҳолатлар қайд этилмаган.
Мавзуга оид
16:14 / 03.09.2024
“Жаҳаннам дарвозаси”. Туркманистондаги энг диққатга сазовор жойлардан бири бўлган газ кратери ҳақида нималар маълум?
17:24 / 15.08.2024
Туркманистон Ўзбекистондан баъзи фуқароларини депортация қилишни сўради – ОАВ
16:03 / 15.08.2024
Туркманистонда СИМ-карта сотиш тўхтатилди. Улар тугаб қолгани айтилмоқда
20:55 / 01.08.2024