«Бу электр каби базавий эҳтиёж эканини тушунишимиз керак» - Тадбиркор интернетнинг ишдаги муҳимлиги ҳақида

«Дунёнинг турли бурчакларида карантин турлича ўтмоқда. Book café мисолида олинадиган бўлса, бизнес тўхтаб қолди. Бошқа жойдан келадиган пул оқими бўлгани учун, катта эҳтимол билан қайта очамиз ва у ишлашда давом этади.

Харажатлари катта бўлган тармоқ компаниялари қандай жон сақлаб қолиши мумкинлигини билмайман. Колл-марказни бир ҳафта мобайнида масофадан ишлашга ўтказа олдик. Бу бизнесни қайта ўйлаб чиқиш имконини беради: бизга катта офислар керакмикин? Эҳтимол кейинги бизнес модел бундан кейин ҳам билимларни етказа олиб, барча билан масофадан туриб ишлай олиш кўринишида бўлар?

Операцион ва капитал харажатларимиз камроқ бўлади. Мана шу ерда экотизимдаги мавжуд камчиликлар намоён бўлади: Ўзбекистон интернет бўйича 180 мамлакат ичида энг ёмон мамлакатлар ўнталигида экани сезилади. Тошкентдан ташқарида интернет умуман мавжуд эмас. Биз ўқитувчи дарс бериш учун томга чиқиб, сигнални ушлашга ҳаракат қилаётгани ҳақидаги роликни кўрдик. Бу даҳшат. Шу маълум бўлдики, ходимларимизнинг учдан бир қисми - Назарбек ёки Тошкент вилоятидан офисга келиб, оператор бўлиб ишлайдиган айрим ходимларимиз эндиликда ишлай олишмайди. У ерда интернет йўқ», дейди Лазиз Адҳамов.

Тадбиркор Ўзбекистонда фрилансинг ривожланиши учун интернет муҳимлигини таъкидлади.

«Яқинда Ўзбекистонда фрилансинг бўлиши, уни ривожлантириш кераклиги ҳақида суҳбат бўлганди. Интернетингиз бўлмаса, қандай фрилансинг бўлиши мумкин?

IT-мутахассиси сифатида одамлар нима дейишларидан қатъи назар шуни айтишим мумкин. Агар ҳозир мамлакат тиним билмай ишласа ва миллиардлаб пулларни инвестиция қилса, бизда интернет 2022 йилнинг охирида бўлишини тан олишимиз керак.

Ҳаммамиз учун интернет уйдаги иссиқ ва совуқ сув, канализация, электр каби базавий эҳтиёж эканини тушунишимиз керак. Интернет ҳам электрга ўхшаган нарса. У мавжуд бўлиши керак. Бу биз талаб қилишимиз ва давлат таъминлаши керак бўлган нарса. Улар томонидан ушлаб турилган тушунарсиз монополия ривожланишимизга имконият бермайди», дейди Адҳамов.

Тўлиқ суҳбатни Ground Zero’нинг Youtube’даги саҳифаси орқали томоша қилишингиз мумкин.