Истанбулда яқин кунларгача музей бўлган Аё София масжидига боснияк (Босния ва Герцеговинада яшовчи элат, мусулмон боснияликлар) Фарруҳ Муштуар имом этиб тайинланди. У 24 июлда масжидда ўқиладиган илк намоз – жума намозида имомлик қилади.
Бу ҳақда Босния ва Герцеговина оммавий ахборот воситалари маълум қилди.
Klix.ba порталининг аниқлаштиришича, Муштуар 1971 йилда Туркияда мусулмон боснияликлар оиласида туғилган, босния тилида эркин гаплашади ва мунтазам равишда аждодлари юртига ташриф буюриб туради.
10 июлда Туркиянинг олий маъмурий суди Аё София ибодатхонасини музей мақомидан маҳрум этиб, уни масжидга айлантириш ҳақидаги қарорни қабул қилганди.