Ҳонгконгда эпидемиологик вазият ёмонлашгани сабабли парламент сайловлари қолдирилди

Аҳолиси 7,5 млн кишидан ортиқроқ бўлган Ҳонгконгда охирги суткада 121 кишида коронавирус инфекцияси аниқланган.

Фото: Zumapress

Ҳонгконг ҳукумати эпидемиологик вазият кескин ёмонлашгани сабабли қонунчилик кенгашига бўлиб ўтадиган сайловларни қолдирди. Бу ҳақда Ҳонгконг ижроия кенгаши раҳбари Кэрри Лам маълум қилди.

Ҳонгконг қонунчилик кенгашига сайловлар 6 сентябрда бўлиб ўтиши режалаштирилганди.

Лам сайловларни ортга суриш тўғрисидаги қарор «ўта мураккаб» бўлганлигини таъкидлади.

Аҳолиси 7,5 млн кишидан ортиқроқ бўлган Ҳонгконгда коронавирус юқтириш билан боғлиқ 3273та ҳолат қайд этилган, 27 киши вафот этган. Охирги суткада 121 кишида коронавирус инфекцияси аниқланган.

#сайлов #Ҳонгконг

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.