Жефф Безоснинг бойлиги бу йил 74,9 млрд долларга кўпайди ва 189,8 млрд долларга етди.
Фото: Getty Images
Amazon.com Inc. раҳбари Жефф Безос компаниянинг 3,1 млрд долларлик 1 млн дона акциясини сотди. Бу ҳақда қимматли қоғозлар ва биржалар бўйича комиссия (SEC) маълумотида айтилмоқда.
Безос аввалроқ Amazon компаниясининг 4,1 млрд долларлик акцияларини сотганди.
Жорий йилда коронавирус пандемияси шароитида компания хизматларига талаб ошиши натижасида Amazon акциялари нархи 73 фоизга қимматлашди.
Bloomberg Billionaires индексига кўра, Безоснинг бойлиги бу йил 74,9 млрд долларга кўпайди ва 189,8 млрд долларга етди.
Ҳозирда Amazon раҳбари компаниянинг 54 млн донадан ортиқ акцияларига эга.
