Буйракларнинг асосий “душмани” ош тузи ҳисобланади. У ҳаттоки соғлом буйракларга ҳам зарар етказиши мумкин, деб айтиб ўтди россиялик нефролог шифокор Людмила Артюхина.
Мутахассис замонавий жамиятда фастфуд ва яримтайёр маҳсулотлар ҳамда туз кўп миқдорда солинадиган маҳсулотлар оммавийлашгани сабабли тузнинг ҳаддан зиёд истеъмол қилиниши муаммосига эътибор қаратган.
Шифокорнинг таъкидлашича, кўпинча буйраклар билан муаммоларда оғриқли симптомлар кузатилмайди, шу сабабли беморлар шифохонага касалликнинг жиддий босқичи кечаётган вақтдагина шифохонага тушадилар.
“Баъзида касаллик субклиник кечадиган аломатлар бор. Бу нимжонлик, тез чарчаш, юриш вақтида оёқлар шишиши билан намоён бўлади. Артериал гипертензия бўлиши мумкин. Буйрак касаллиги артериал гипертония билан ҳам намоён бўлиши мумкин”, деб тушунтириб ўтган мутахассис.
Артюхинанинг таъкидлашича, қон босими билан муаммолар бўлганда тиббий кўрикдан ўтиш лозим. У буйраклар соғлом бўлиши учун соғлом турмуш тарзига амал қилиш лозимлигини уқдириб ўтган.
