АҚШ соғлиқни сақлаш ва ижтимоий хизматлар вазирлиги Касалликларни назорат қилиш ва олдини олиш марказларининг коронавирус ҳақидаги ҳисоботларини АҚШ президенти Дональд Трампнинг ушбу инфекция ҳақидаги сўзларига зид бўлмайдиган қилиб қайта тўғрилаган. Бу ҳақда CNN телекомпанияси хабар берди.
Фото: Getty Images
CNN маълумотларига кўра, марказларнинг ҳар ҳафталик ҳисоботлари соғлиқни сақлаш вазирлигига тушган дастлабки кўринишда эълон қилинмай, балки Трамп сўзларига мос келадиган ҳолда таҳрирланган.
Бироқ телекомпания бунга аниқ мисоллар ва бундай тузатишлар қачон киритилгани ҳақида маълумот келтирмаган.
Материалда таъкидланишича, соғлиқни сақлаш вазирлиги хатти-ҳаракатлари “коронавируснинг хавфлилик даражасини пасайтиришга уринган” Трамп маъмурияти сиёсатига мос келади.
CNN манбалари маълумотларига кўра, АҚШ маъмурияти вакиллари Касалликларни назорат қилиш ва олдини олиш марказлари АҚШ президенти манфаатларига зид равишда ҳаракат қилган бўлиши мумкинлиги ва шу сабабли уларнинг ҳисоботларини таҳрирлаш лозим деб ўйлашган.
