Қозоғистонда давлат хизматчиларининг совға олиши тақиқланди

Қозоғистонда давлат хизматчиси ва унинг оила аъзоларига совға, моддий мукофот бериш ҳамда хизматлар кўрсатиш қонун билан тўлиқ тақиқланди. Бу ҳақда Коррупцияга қарши кураш агентлиги раисининг биринчи ўринбосари Олжас Бектенов маълум қилди.

 Унинг сўзларига кўра, “Коррупцияга қарши курашиш тўғрисида”ги қонунга киритилган ўзгаришларга мувофиқ, давлат хизматчиларига қимматбаҳо совғалар бериш тақиқланмоқда. Нархи энг кам иш ҳақининг икки бараваригача бўлган (5,5 минг тенге) совға учун маъмурий, энг кам иш ҳақининг икки бараваридан ортиқ бўлган совғалар учун жиноий жавобгарлик белгиланди. Илгари давлат хизматчиларига эгаллаб турган лавозимидан қатъи назар, нархи 27 780 тенгегача бўлган совғаларни олишга рухсат бор эди. 

 Шунингдек, қонун билан коррупцияга қарши чекловлар таъсири доирасида бўлган шахсларнинг оила аъзоларига ҳам моддий мукофот, совға ёки хизматлар олиш тақиқланди.

 Давлат хизматига ёки давлат иши ва унга тенглаштирилган функцияларни бажариш билан боғлиқ лавозимга номзод бўлган шахслар учун ушбу ташкилотда ишлайдиган яқин қариндошлари, турмуш ўртоқлари тўғрисида ташкилот раҳбариятига ёзма равишда хабар бериш мажбурияти жорий этилди.