Нурмат Отабеков янги лавозимга тайинланди 

Санитария-эпидемиологик осойишталик ва жамоат саломатлиги хизмати тизимида янги лавозим тайинловлари амалга оширилди.

Вазирлар Маҳкамаси қарорига кўра, Холмамат Норбоев Санитария-эпидемиологик осойишталик ва жамоат саломатлиги хизмати бошлиғининг биринчи ўринбосари этиб тайинланди.

Бундан ташқари, Нурмат Отабеков Санитария-эпидемиологик осойишталик ва жамоат саломатлиги хизмати бошлиғининг ўринбосари, Ботиржон Қурбонов Санитария-эпидемиологик осойишталик ва жамоат саломатлиги хизмати бошлиғининг ўринбосари ва Қобулжон Ҳайитов Санитария-эпидемиологик осойишталик ва жамоат саломатлиги хизмати бошлиғининг ўринбосари бўлди.

Нурмат Отабеков Вазирлар Маҳкамаси ҳузуридаги Санитария-эпидемиология назорати давлат инспекцияси бошлиғи – Ўзбекистон бош давлат санитария инспектори сифатида ишлаб келаётганди.

Аввалроқ, президент қарори билан Баҳодир Юсупалиев соғлиқни сақлаш вазирининг ўринбосари – Санитария-эпидемиологик осойишталик ва жамоат саломатлиги хизмати бошлиғи лавозимига тайинланганди.

Санитария-эпидемиология хизмати аҳолининг санитария-эпидемиологик осойишталиги ва жамоат саломатлиги соҳасида ягона давлат сиёсатини амалга оширувчи ваколатли давлат бошқаруви органи ҳисобланиб, Соғлиқни сақлаш вазирлиги таркибига киради.