Эрон Тоғли Қорабоғдаги вазият кескинлашгани ортида ихтилоф иштирокчилари бўлган Озарбойжон ва Арманистон билан чегарасида қўшинларни жойлаштирмоқда. Ислом инқилоби муҳофизлари корпусида таъкидланишича, бу Эроннинг миллий манфаатларини ва тинчликни қўллаб-қувватлаш учун зарур.
Озарбойжон ва Арманистон ўртасидаги янги ихтилофнинг бошидаёқ Теҳрон Боку ва Ереванни Эроннинг чегараолди ҳудудида яшовчи аҳолиси ҳаёти хавфга қўйилишига йўл қўймаслигидан огоҳлантирган. Бироқ Эроннинг шимолидаги ҳудудларга Қорабоғ ихтилофи ҳудудидан вақти-вақти билан снарядлар ва дронлар тушиб турибди.
25 октябрда Боку ва Ереван АҚШ воситачилигида ўт очишни тўхтатишга келишиб олганди. Ўт очиш режими 26 октябрдан кучга кириши керак эди. Бироқ ярашувга учинчи уриниш ҳам барбод бўлди: ярашув кучга кириши биланоқ у бузилгани ҳақида маълумотлар берилган.
