Жўрабек Мирзамаҳмудов энергетика вазирининг биринчи ўринбосари лавозимидан озод этилди
Ўзбекистон президентининг қарори билан Жўрабек Мирзамаҳмудов Ўзбекистон энергетика вазирининг биринчи ўринбосари - “Ўзатом” агентлиги бош директори лавозимидан озод этилди.
Президент Шавкат Мирзиёев томонидан 3 ноябрь куни имзоланган ҳужжатда айтилишича, Жўрабек Мирзамаҳмудов бошқа ишга ўтиши муносабати билан лавозимдан озод қилинган.
Шунингдек, президентнинг 3 ноябрь куни имзоланган бошқа бир қарори билан 2019 йил 1 февралдаги “Ўзбекистон Республикаси Энергетика вазирлиги фаолиятини ташкил этиш чора-тадбирлари тўғрисида”ги ПҚ-4142-сон қарорга ўзгартириш киритилди.
Қайд этилишича, бу Ўзбекистон энергетика тармоғи бошқарув тизимини такомиллаштириш мақсадида амалга оширилди.
Ҳужжат билан ПҚ-4142-сон қарор 2-иловасининг “Вазирнинг биринчи ўринбосари - “Ўзатом” агентлиги бош директори” блокидан “Ўзатом” агентлиги бош директори” сўзлари чиқариб ташланди.
“Ўзатом” агентлиги раҳбари Жўрабек Мирзамаҳмудов 2019 йилнинг февраль ойи ўрталарида энергетика вазирининг биринчи ўринбосари этиб тайинланганди. У Атом энергетикасини ривожлантириш агентлиги бош директори лавозимида ҳам ишлаб келаётганди.
Жўрабек Мирзамаҳмудов 1979 йилда туғилган, 2001 йилда «Умид» жамғармаси йўлланмаси бўйича Алабама университетини (АҚШ), 2005 йилда эса Тошкент кимё-технология институтини тамомлаган.
Мавзуга оид
11:37 / 19.09.2024
Жўрабек Мирзамаҳмудов: “Ҳалок бўлганларнинг оилаларини пудратчи ташкилот қарамоғига олади”
21:34 / 18.09.2024
Энергетика вазири М25 конининг техник тавсифини баён қилди
18:18 / 10.09.2024
Россия Марказий Осиё давлатларининг энергетика тизимига қўшилади
18:51 / 07.08.2024