Кутиб олинг! Алоқабанк Zoomrad онлайн тўлов тизимини ишга туширди

Кундалик турмушимиз тўловларни амалга оширувчи пластик карталар билан чамбарчас боғлиқ. Харидлар, коммунал тўловлар, таълим олиш харажатлари ва бошқа пул билан боғлиқ барча ҳаракатларни бугунги кунда пластик картасиз амалга ошириб бўлмайди. Пластик карталарнинг ўзи тўлов тизимини соддалаштирган бўлса, уни бошқариш ишимизни янада осонлаштиради.

Aloqabank томонидан янги ишга туширилган Zoomrad мобил тўлов тизими сиз азиз мижозларга қулайлиги билан ҳар томонлама мос келади. Zoomrad иловаси мобил тўлов тизими ва онлайн-банкингни ўзида мужассамлаштирган молиявий восита ҳисобланади. Хўш, нима учун Zoomrad'ни танлашим керак, деган саволга жавоб қуйида берилган:

Zoomrad ёрдамида мобил телефон ва Интернетдан тортиб коммунал хизматлар ва мактабгача таълим муассасалари учун тўлашингиз мумкин;

аксарият мобил тўлов тизимларида тўлов операциялари тарихини кўриб туриш учун ойлик тўловлар олинади. Zoomrad'да бундай муаммо йўқ: тўловлар мониторинги ҳар доим сиз учун бепул;

картадан картага ўтказмалар учун комиссия тўлови атиги 0,5 фоиз. Aloqabank карталари ўртасидаги пул ўтказмалари учун ҳеч қандай комиссия тўлови йўқ. Бу эса харажатларингизни беҳуда сарфланишидан асрайди;

Zoomrad орқали картадан картага пул ўтказганингизда, сизга кэшбек (cashback) берилади, яъни ушбу тизим хизматларидан фойдаланганингиз учун амалга оширган тўловингиз маълум фоизи яна сизга қайтариб берилади. Ушбу ёндашув ҳам харажатларингиз камайишига хизмат қилади;

қулай бўлиши учун «автоматик тўлов» функцияси ишлаб чиқилди, бу сизнинг ҳеч қачон алоқасиз қолмаслигингизни таъминлайди ва амалга оширган тўловингизни автоматик сақлайди;

Zoomrad шунчалик қулай иловаки, асосий саҳифада сиз учун муҳим ва керакли тўлов бўлимлари кўриниб туради. Коммунал тўловлар, Интернет ва мобил алоқа тўловлари бир жойда мужассамлашган. Ушбу қулайлик тўловларни тезроқ ва осон амалга ошириш имкониятини беради. Энг муҳими, бу тўловларни бир вақтнинг ўзида автоматик тарзда созлаш мумкин. Ҳам вақтингиз, ҳам нақдингиз тежалади;

баъзида пулни тежаш қанчалик қийин бўлиши мумкинлигини тушунамиз, шунинг учун пулни сақлаб қўйиш хизмати ишга туширилди. Шунчаки Zoomrad'га мақсадингизни кўрсатасиз, қай тарзда ва қачон пулни йиғиб қўйиш кераклигини айтсангиз бўлди. Zoomrad ортиқча пулингизни сақлаб беради;

авторизациядан ўтган Zoomrad фойдаланувчилари молиявий воситалар ва маҳсулотларга тўлиқ кириш ҳуқуқига эга. Aloqabank карта эгалари дастурга картани қўшганда тезкор онлайн идентификациядан ўтиш имкониятига эга бўлишади;
Zoomrad орқали онлайн шаклда пластик карта олиш учун ариза топшириш мумкин. Онлайн буюртма берасиз ва пластик карта сизга жуда қисқа вақтда етказиб берилади.