Пандемиядан сўнг дастлаб қайси давлатларнинг иқтисоди тикланиши маълум қилинди

Данияда жойлашган Saxo Bank молиявий ташкилотининг инвестициялар бўйича директори Стин Якобсеннинг фикрича, коронавирус пандемияси 2021 йилнинг иккинчи чорагида якунланади. Жаҳон иқтисоди эса йил давомида аста-секинлик билан нормаллашади.

Фото: EPA/Vostock-photo

«Бозор — коронавирус билан касалланиш ҳолатлари ўсишини кузатмоқда ва 2021 йилда иқтисодиёт тикланишини ҳисобга олган ҳолда пул тикмоқда», — дейди Якобсен.

Мутахассиснинг таъкидлашича, энг аввало, ҳозир ҳам “ишлари яхши бўлиб турган” Хитой каби Осиё мамлакатларининг иқтисодиёти тикланади. Шундан сўнг Шимолий Европа давлатлари, кейин АҚШ, Буюк Британия ва Яқин Шарқ мамлакатларининг иқтисодиёти тикланади.

Унинг сўзларига кўра, бозорларнинг тикланиши илмий ютуқлар сабабли амалга ошади.

«Ҳеч ким COVID-19 пандемияси бошланганидан кейин бор-йўғи 9 ой ўтиб вакцина ишлаб чиқариш бошланишини айта олмаган. Одатда бунинг учун 2-3 йил вақт кетган. Бу илм-фан учун улкан ютуқ ва иммунизация соҳасига бутунлай бошқача ёндашув», — дейди Якобсен.

#иқтисод #Saxo Bank #COVID-19 #Пандемия

Kun.uz янгиликларини Google News'да кузатинг

+ Обуна бўлиш