2021 йил 1 февралдан ошириладиган нафақалар миқдори ҳақида маълумот берилди

Пенсия жамғармаси матбуот хизмати хабарига кўра, 2021 йил 1 февралдан бошлаб Ўзбекистон ҳудудида:

• меҳнатга ҳақ тўлашнинг энг кам миқдори – ойига 747 300 сўм;
• базавий ҳисоблаш миқдори – 245 000 сўм;
• бола икки ёшга тўлгунга қадар бола парвариши бўйича нафақа - 434 000 сўм;
• кам таъминланган оилаларга бериладиган моддий ёрдам -  326 000 сўмдан 653 000 сўмгача;

14 ёшгача болалари бўлган оилаларга нафақа:

• битта болали оилаларга – 144 100 сўм;
• иккита болали оилаларга – 238 700 сўм;
• учта ва ундан ортиқ болали оилаларга - 334 400 сўм.

Қорақалпоғистон Республикаси ва Хоразм вилоятидаги муҳтож оилаларга бир марталик моддий ёрдам 434 минг сўмдан 1 миллион 85 минг сўмгача оширилиши белгиланди.

Бундан ташқари, жорий йилнинг 1 февралидан фахрий унвонга эга пенсионерлар учун тўлов миқдори 1,1 баробарга оширилади.

Пенсия жамғармасининг таъкидлашича, пенсиялар коронаинқироз пайтида - 2020 йилнинг 1 сентябридан оширилган. Лекин у пайтда бюджет ходимлари ойликлари ошиши музлатиб қўйилганди.