Франция ташқи ишлар вазири «Спутник V»ни тарғибот қуроли деб атади

Франция ташқи ишлар вазири Жан-Ив Ле Дриан Россиянинг коронавирусга қарши «Спутник V» вакцинасини тарғибот қуроли деб атади.

«Спутник V» вакцинасидан бирдамлик туфайли тиббий ёрдамдан кўра тарғибот ва агрессив дипломатия учун фойдаланилмоқда»,— дея унинг сўзларидан иқтибос келтирган AFP.

Аввалроқ Франция ТИВ ҳузуридаги Европа ишлари бўйича давлат котиби Клеман Бон Францияда июндан «Спутник V» вакцинасидан фойдаланиш мумкинлиги ҳақида айтганди.

Боннинг сўзларига кўра, Франция «Спутник V»дан Европа дори воситалари агентлиги маъқуллаганидан сўнг фойдаланиши мумкин. Агентлик вакилининг айтишича, Россия вакцинаси май ойидан аввал маъқулланмайди.

ЕИ таркибига кирувчи Венгрия ва Словакия ушбу вакцинани ўзлари мустақил равишда маъқуллади.

«Спутник V» ҳозирда 56 мамлакатда фойдаланиш учун маъқулланган.