АҚШда 3 апрел куни коронавирусга қарши рекорд сонда - 4 млндан кўпроқ киши эмланди. Мамлакатда охирги кунларда эмланаётганлар сони ўртача кунига 3 млндан ошмоқда.
“АҚШнинг 65 ёш ва ундан катта аҳолисининг тўртдан уч қисми вакцинанинг биринчи дозасини олиб бўлди. Бу эса хавф гуруҳига кирувчи америкаликларнинг касалликдан ҳал қилувчи ҳимоясини таъминлайди”, деб маълум қилинган АҚШнинг Касалликларни назорат қилиш ва олдини олиш марказида.
Маълумотларга кўра, АҚШда 109 кундан бери давом этаётган эмлаш кампанияси давомида 104 млн америкалик (АҚШ аҳолисининг 31 фоизи) вакцинанинг бир дозасини, 59,9 млн америкалик (18 фоиз аҳоли) эса икки дозасини олган. АҚШда Pfizer/Moderna вакцинасидан ҳаммаси бўлиб 161 млн доза қўлланган.
Шунингдек, АҚШда эмланганларга мамлакат бўйлаб коронавирусга тест топшириш ва ўзини яккалаш заруратисиз эркин саёҳат қилишга рухсат берилди.
