Путин коронавирусга қарши вакцинанинг иккинчи компоненти билан эмланди
Россия президенти Владимир Путин 14 апрелда унга коронавирусга қарши вакцинанинг иккинчи компоненти киритилганини маълум қилди.
“Умид қиламанки, ҳаммаси яхши бўлади. Аниқроғи умид қилмайман, бунга ишонаман. Сизга ҳам шуни тилайман. Сиз ҳам ўзингиз ва яқинларингиз ҳақида қайғуриб, мендан ўрнак олиб, вирусга қарши эмланасиз”, деб айтган Путин.
Россия президенти коронавирус пандемияси тез орада ортга чекинишига умид билдирди.
Путин вакцинанинг биринчи компоненти билан 23 март кун эмланганди. Кейинроқ у вакцина чап қўлига киритилганини, укол жойида бир неча соатдан кейин бироз ноқулайлик ҳис қилганини маълум қилганди. Россия раҳбарида эмланганидан кейин бошқа иккиламчи таъсирлар кузатилмаган.
Таъкидлаш жоиз, ўшанда Путин айнан қайси вакцина билан эмланганига аниқлик киритмаган, бироқ у Россияда ишлаб чиқарилган воситалардан биридан фойдаланганини айтган.
Россияда коронавирусга қарши оммавий эмлаш 18 январдан бошланган. Барча истовчиларга бепул эмланиш таклиф қилинмоқда.
Россияда айни вақтда коронавирусга қарши учта вакцина рўйхатдан ўтказилган. Булар: Гамалея номидаги марказ ишлаб чиққан “Спутник V”, “Вектор” марказининг “ЭпиВакКорона” ва Чумаков номидаги марказнинг “КовиВак” вакциналари.
Мавзуга оид
20:25 / 23.10.2024
Британияда норовирусга қарши дунёдаги биринчи вакцинани синовдан ўтказиш бошланди
20:30 / 22.10.2024
Россияда BRICS саммити бошланди – унинг иштирокчилари, мақсади ва режалари ҳақида
11:50 / 22.10.2024
Путин Яқин Шарқдаги вазиятни «жуда мураккаб» деб атади
21:00 / 21.10.2024