Путин 2020 йилда қанча даромад топгани маълум қилинди

Россия президенти Владимир Путин ўтган йил қарийб 10 миллион рубл ишлаб топган. Бу ҳақда унинг даромадлар декларациясида маълум қилинди.

Унга кўра, Путин 2020 йилда 9 млн 992 минг 692 рубл (бугунги курс бўйича 132 минг 29 доллар) даромад топган.

Россия президенти майдони 77 квадрат метрни ташкил этувчи хонадон ва гараж (18 квадрат метр) эгаси ҳисобланади.

У шунингдек, майдони 153,7 квадрат метрга тенг хонадон ва 18 квадрат метрли гараж ўрнига эга.

Путиннинг номида иккита ГАЗ 21М («Волга»), «Нива» ва «Скиф» автомобил тиркамаси қайд этилган.

2019 йилда Россия президентининг даромади 9,7 миллион рублга тенг бўлган.