Наманганда мухлислар ҳужумига учраган МТРК автомобили таъмирлаб берилди

Суперлига 5-туридан ўрин олган «Навбаҳор» – «Пахтакор» (1:2) жамоалари ўртасидаги учрашувдан сўнг, Намангандаги ўйинни тўғридан-тўғри эфирда намойиш этган Ўзбекистон миллий телерадиокомпаниясига тегишли автомобилга шикаст етганди.

«Айрим мухлислар томонидан тартибсизликлар уюштирилган ва бунинг натижасида Ўзбекистон миллий телерадиокомпаниясига тегишли бўлган Кўчма телевизион станциянинг махсус автомобили шикастланганди. Тартибсизликлар уюштирган мухлислар жазога тортилишди. МТРК автомобили эса таъмирдан чиқарилди.

Умид қиламизки, энди бундай тартибсизликлар юз бермайди ҳамда жамоамиз ишқибозлари мухлислик маданиятига амал қилишади», - дейилади «Навбаҳор» клуби хабарида.

Эслатиб ўтамиз, «Навбаҳор» - «Пахтакор» учрашувидан кейинги тартибсизликлар учун 7 киши жавобгарликка тортилган, ЎФА қарорига кўра «Навбаҳор» иштирокидаги икки уй учрашуви томошабинларсиз ўтказилиши ҳақида маълум қилинганди.

Тайёрлаган: Усмон Ибодов

#Навбаҳор #МТРК автомобили