«Пахтакор» Тошкентда «Динамо»га ютқазди, ОКМК яққол пешқадам

27 мартдан 29 мартгача футбол бўйича Ўзбекистон чемпионатида 3-тур учрашувлари ўтказилди. 

«Навбаҳор» – «Андижон» 2:2
Голлар: Забиҳилло Ўринбоев 2, Аббос Ғуломов 51 – Гилерме Гедеш автогол 6, Бенжамин Тейди 90+7.
«Навбаҳор» – Умиджон Эргашев, Азимжон Аҳмедов (Жавоҳир Абдужабборов, 62), Шоҳмалик Комилов (Шаҳзод Тоиров, 75), Забиҳилло Ўринбоев (Педро Аугусто, 75), Шаҳзодбек Убайдуллаев (Алишер Одилов, 62), Саидазамат Мирсаидов, Бенжамин Тейди, Сергей Карпович, Гилерме Гедеш, Аббос Ғуломов (Руслан Жиянов, 80), Игор Габриэл.
«Андижон» – Элдор Адҳамов, Ислом Маматказин, Абдулвоҳид Ғуломов, Искандар Шойқулов (Алтин Крезиу, 68), Мирзад Меҳанович, Ислам Машуков, Абдураҳмон Комилов (Дониёр Абдуманнопов, 68), Усмонали Исмоналиев, Муҳаммадкарим Тоиров, Лука Ускокович, Бектемир Абдуманнонов.
Четлатиш: Саидазамат Мирсаидов (90+6) – Мирзад Меҳанович (72).

Турнинг марказий учрашуви 28 март куни «Навбаҳор» ва «Андижон» клублари ўртасидаги водий дербиси бўлди.  Намангандаги баҳсда Сергей Лушан шогирдлари 2-дақиқадаёқ ҳисобни очганди, кўп ўтмай Гилерме Гедешнинг автоголи сабаб ҳисоб тенглашди – 1:1.

Иккинчи бўлимда Ғуломов 51-дақиқада мезбонларни ҳисобда олдинга олиб чиқди, кейинроқ Меҳанович қизил карточка олиб, меҳмонлар бир киши кам бўлиб қолишди. Шунга қарамай, андижонликлар Тейдининг 90+7-дақиқадаги автоголи эвазига сафардан очко билан қайтадиган бўлишди – 2:2.

«Навбаҳор» янги мавсумни «Динамо» билан дурангдан бошлаган (0:0), кейин эса сафарда «Сўғдиёна»дан устун келганди (3:2). Эндиликда наманганликлар 5 очко билан турнир жадвалининг 6-ўрнида жойлашган. «Андижон» учун эса тақвим мураккаброқ эди, Ўзбекистон кубогининг амалдаги соҳиблари аввалига водий дербисида дебютант қўқонликлар билан дуранг ўйнаган (1:1), кейин амалдаги чемпион «Насаф» билан ҳам шундай дуранг ҳисоб қайд этилганди (1:1), Наманганда қаторасига учинчи дурангини қайд этган жамоа турнир жадвалида ҳозирча 9-ўринда.

«Қизилқум» – ОКМК 1:3
Голлар: Элгужа Лобжанидзе 39 – Ислом Тўхтахўжаев 12, Гиорги Папава 51, Нодирбек Абдураззоқов 75.
Аниқ ижро этилмаган пеналти: Хуршид Ғиёсов (ОКМК, дарвозабон) 30.
«Қизилқум» – Фарҳод Раҳматов, Илҳом Ваҳобов, Дилшод Комилов, Шаҳзод Раҳматуллаев, Роман Папарига, Жаба Жигаури, Никола Кумбурович, Фарҳод Бекмуродов (Ален Машович, 74), Диёр Раҳматиллоев (Файзулло Жуманқўзиев, 74), Душан Мийич, Элгужа Лобжанидзе (Даврон Анваров, 80).
ОКМК – Жавоҳир Илёсов, Сардор Раҳмонов, Гиорги Папава (Аброр Саримсоқов, 70), Авазбек Ўлмасалиев, Дилшод Аҳмадалиев (Элдор Бегимов, 87), Хуршид Ғиёсов (Асад Собиржонов, 70), Ойбек Рустамов, Ислом Тўхтахўжаев, Саидафзалхон Аҳроров, Ажак Риак (Али Абдураҳмонов, 46), Нодир Абдураззоқов (Арихиро Сентоку, 80).

Олмалиқ клуби Самарқандга сафар қилиб, «Қизилқум»га қарши саф тортди. Учрашувда Ислом Тўхтахўжаев ҳисобни очган бўлса, 30-дақиқада Хуршид Ғиёсов пеналтидан фойдалана олмади. Бўлим якунида эса Навоий жамоаси ҳисобни тенглаштирди.

Иккинчи бўлимда эса Миржалол Қосимов шогирдлари яна иккита гол уриб, мавсумда кетма-кет учинчи ғалабага эришишди – 3:1.

Олмалиқликлар бундан олдинги турларда «Бухоро» (2:1) ва «Пахтакор»ни (2:0) мағлуб этганди, энди жамоа 9 очко билан турнир жадвалида яққол пешқадамга айланди, «Қизилқум» ҳисобида 3 очко мавжуд.

«Бунёдкор» – «Сурхон» 3:1
Голлар: Луис Качорри 43, 90, Имеда Ашортиа 74 (пен) – Абдураҳмонов 90+8.
«Бунёдкор» – Ҳамидулло Абдунабиев, Нажмиддин Нормуродов, Музаффар Олимжонов (Сардор Абдунабиев, 64), Марко Бугарин, Мартин Сролер (Расул Йўлдошев, 85), Николоз Мали (Бобур Йўлдошев, 74), Ицуки Урата, Одил Ҳамробеков, Имеда Ашортиа (Амир Тўрақулов, 85), Луис Качорри, Азиз Амонов (Асадбек Раҳимжонов, 64).
«Сурхон» – Дилшод Йўлдошев, Суннатуллоҳ Ҳамиджонов, Нодир Нематхонов, Беҳзод Шамсиев (Беҳруз Шукуруллаев, 76), Беҳруз Шайдулов, Достон Турсунов, Дмитрий Плетнев, Асил Жумаев (Кирилл Колесниченко, 82), Муҳаммадюсуф Мирқодиров, Абдуғафур Ҳайдаров, Жаҳонгир Абдусаломов (Муҳаммадали Абдураҳмонов, 82).

Тошкентдаги баҳсда Луис Качорри 43-дақиқада ҳисобни очди. Иккинчи бўлимда эса «қалдирғочлар» яна иккита гол уришга муваффақ бўлди. 74-дақиқада Ашортиа пеналтини голга айлантирган бўлса, 90-дақиқада Качорри дубл муаллифига айланди. Энди у 4 гол билан чемпионат тўпурарлари рўйхатини бошқармоқда.

Меҳмонлар сафида ягона голни қўшимча дақиқаларда Муҳаммадали Абдураҳмонов пеналтидан киритди. 

Бу натижадан сўнг Илёс Зейтуллаев шогирдлари 7 очко билан 2-ўринга кўтарилиб олди. Термиз клуби эса ҳамон очко тўплай олмаган ҳолда сўнгги поғонани банд этиб турибди.

«Пахтакор» — «Динамо» 0:1
Гол: Анваржон Ҳожимирзаев 60
«Пахтакор»: Жонатан Луис, Шаҳзод Азмиддинов (Муҳаммадали Ўринбоев, 86), Абдулла Абдуллаев, Муҳаммадқодир Ҳамралиев, Умар Адҳамзода (Отабек Жўрақўзиев, 86), Достонбек Ҳамдамов, Башар Ресан (Ҳожиакбар Алижонов, 72), Сардор Собирхўжаев, Жонатан Лукка (Абдурауф Бўриев, 72), Фламарион Жовино, Игорь Сергеев.
«Динамо»: Равшанбек Ягудин, Жаҳонгир Ўрозов, Мақсудхўжа Аълохўжаев, Улуғбек Абдуллаев, Франсиско Журани, Санжар Қодирқулов (Хислат Ҳалилов, 70), Анваржон Ҳожимирзаев (Манучеҳр Сафаров, 88), Марко Станоевич, Миржаҳон Мираҳмадов, Ричард Фрайдей (Ойбек Ўрмонжонов, 65), Фирдавс Абдураҳмонов (Муҳаммадазиз Иброҳимов, 88).

«Пахтакор» ўз майдонида кутилмаганда «Динамо»га ютқазиб қўйди.

Учрашувнинг 56-дақиқасида мезбонлар рақиб дарвозасини ишғол этишганди, аммо гол офсайд ҳолати туфайли инобатга олинмади. Бир неча дақиқа ўтиб меҳмонлар ҳужумчиси, тўпурарлик салоҳиятини намойиш этиб, Суперлигада ўтган мавсум кашфиёти бўлган Анваржон Ҳожимирзаев ўз имкониятидан унумли фойдаланди ва ғалаба голини урди.

Фаворит устидан қозонилган ғалаба эвазига самарқандликлар очколари сонини 7 тага етказди ва турнир жадвалида 3-ўринга жойлашди. Жамоа уч ўйинда ҳам ўз дарвозаси дахлсизлигини сақлаб қолган.

ОЧЛдаги иштироки туфайли биринчи турни ўтказиб юборган «Пахтакор» кейинги икки ўйинда ютқазди (2-турда ОКМКга 0:2 ҳисобида) ва бирорта очко ололмасдан, турнир жадвалида 15-ўринда жойлашган, тошкентликлар тўплар нисбати эвазига фақат 16-ўриндаги «Сурхон»дан яхшироқ ҳолатда.

«Машъал» – «Сўғдиёна» 1:0
Гол: Исломбек Баратов 45+4
«Машъал» – Достон Тўхтабоев, Мудасиру Салифу, Самандар Очилов, Жавоҳир Абдуалимов, Исломбек Баратов, Сардор Абдураимов (Ислом Шарипов, 80), Иброҳим Ғанихонов (Анвар Муродов, 62), Ҳумоюн Муртозаев (Шоҳназар Норбеков, 86), Муҳаммадали Алиқулов, Авазхон Маматхўжаев, Шаҳбоз Жўраев
«Сўғдиёна» – Муҳаммадюсуф Собиров, Зоир Жўрабоев, Ислом Қобилов (Сардорбек Эркинов, 90+5), Отабек Аҳадов, Беҳруз Жуматов (Умидбек Султонов, 46), Хондамир Мустафоқулов, Люпчо Дориев, Эҳсони Паншанбе (Самандар Мавлонқулов, 77), Жавоҳир Қаҳрамонов, Станислав Андреев (Суҳроб Иззатов, 56), Нодиржон Сойибов (Лука Жоржевич, 56)

«Насаф» – «Нефтчи» 0:0
«Насаф» – Абдувоҳид Неъматов, Ғолиб Ғайбуллаев, Акмал Мозговой, Зафармурод Абдираҳматов, Жавоҳир Сидиқов (Муродбек Раҳматов, 58), Драган Черан, Шароф Муҳитдинов, Суҳроб Нуруллоев (Игор Голбан, 68), Ҳусайн Норчаев (Давронбек Усмонов, 68), Шуҳрат Муҳаммадиев, Ойбек Бозоров (Сардорбек Баҳромов, 89)
«Нефтчи» – Элдорбек Суюнов, Икромжон Алибоев (Қувондиқ Рўзиев, 85), Аброрбек Исмоилов (Ғулом-Ҳайдар Ғуломов, 85), Шоҳрух Гадоев (Владимир Йовович, 75), Жамшид Искандеров, Жамшид Болтабоев, Анваржон Ғофуров, Муҳсинжон Убайдуллаев, Зоран Марушич (Муҳаммадали Ғиёсов, 75), Фаррух Сайфиев, Билолхон Тошмирзаев
Огоҳлантиришлар: Гадоев (12), Абдираҳматов (26 ), Норчаев (45+5), Искандеров (78).

Турнинг марказий учрашувларидан яна бири, бу мавсум учун чемпионликка даъвогарлар сифатида кўрилаётган «Насаф» ва «Нефтчи» ҳам ўзаро дуранг ўйнади. Ушбу дуранг фарғоналиклар учун жорий мавсумдаги учинчиси бўлди. 3-турдан сўнг жамоа ҳисобида 3 очко мавжуд. Қаршиликлар эса икки дуранг, бир ғалаба билан 5 очко тўплаб турибди.

«Хоразм» – «Бухоро» 1:4
Голлар: Рустам Абдуҳамидов (47) — Шоҳруз Норхонов (11 пеналти, 51), Доминик Бегич (63), Билол Туплиев (90+8).
«Хоразм» – Сардор Қобулжонов, Ҳазрат Турсунқулов (Санжар Шоаҳмедов, 46), Жасур Азимов (Дилшод Жўраев, 61), Мурод Бобожонов, Ҳумоюнмирзо Иминов, Владимир Бубаня, Ихтиёр Тошпўлатов (Фаррух Иброҳимов, 61), Достон Турсунов, Суннатилла Абдуллажонов, Аброр Хусинов (Шаҳром Самиев, 68), Рустам Абдуҳамидов (Франсис Нарх, 81).
«Бухоро» – Ширинбой Абдуллаев, Равшан Хайруллаев, Анвар Жўраев (Муҳаммадсафо Фозилов, 46), Шоҳруз Норхонов, Фране Чиряк (Алберт Нуруллаев, 90+2), Муҳаммад Йўлдошев (Билол Туплиев, 74), Йосип Томашевич (Жавоҳир Ўтамуродов, 79), Доминик Бегич (Жавоҳир Рўзиев, 90+2), Марко Колакович, Фране Икич, Шаҳбоз Жўрабеков.
Огоҳлантиришлар: Аброр Хусинов (26), Шоҳруз Норхонов (30), Достон Турсунов (42), Доминик Бегич (86).

«Қўқон-1912» – «Шўртан» 0:0
«Қўқон-1912» – Азиз Исоқов, Аслиддин Тоштемиров, Жасур Ёқубов (Ҳусниддин Ғофуров, 81), Алишер Салимов, Бахтиёр Қосимов, Шаҳзод Бешимов (Амед Кобена, 76), Жасур Холтўраев, Зафар Ҳакимов (Иқбол Маликжонов, 46), Баҳром Абдураҳимов (Жавоҳир Ҳусанов, 46), Шаҳзод Акрамов, Муҳаммаданас Ҳасанов.
«Шўртан» – Шоҳрух Эшбўтаев, Шоҳжаҳон Султонмуродов, Сирожиддин Қўзиев, Темур Мамасиддиқов, Аброр Тошқўзиев, Жўрабек Маннонов (Сардор Саъдуллаев, 46), Муродхўжа Жабборов (Бекзод Сувонов, 88), Дониёр Нарзуллаев (Аббос Эргашбоев, 46), Азиз Пирмуҳаммадов, Асадбек Саитхонов, Камрон Сайдазимов.
Огоҳлантириш: Камрон Сайдазимов (64).

3-турдан кейин турнир жадвалида юзага келган вазият: