Лукашенко Путин билан учрашиш учун Москвага йўл олди
Лукашенко ва Путин Беларусь-Россия муносабатларини, савдо-иқтисодий ҳамкорлик масалаларини батафсил муҳокама қилади. Бундан ташқари, коронавирусга қарши курашиш ва транспорт қатновини тўлақонли тиклаш мавзусида суҳбатлашиш режалаштирилган.
Беларусь президенти Александр Лукашенко Россия президенти Владимир Путин билан музокара ўтказиш учун Москвага учиб кетди. Бу ҳақда "БелТА" агентлиги хабар берди.
Беларусь президенти матбуот хизматининг хабарига кўра, икки давлат раҳбарлари музокарасининг асосий мавзуси иттифоқ борасида бўлади.
Шунингдек, Лукашенко ва Путин Беларусь-Россия муносабатларини, савдо-иқтисодий ҳамкорлик масалаларини батафсил муҳокама қилади. Бундан ташқари, коронавирусга қарши курашиш ва транспорт қатновини тўлақонли тиклаш мавзусида суҳбатлашиш режалаштирилган.
Лукашенко ва Путин халқаро мавзулар, минтақадаги вазиятни ҳам муҳокама қилади.
Россия ва Беларусь раҳбарларининг охирги учрашуви 22 февралда Сочида бўлиб ўтганди.
Мавзуга оид
19:19
Беларусда президентлик сайлови санаси белгиланди
20:30 / 22.10.2024
Россияда BRICS саммити бошланди – унинг иштирокчилари, мақсади ва режалари ҳақида
11:50 / 22.10.2024
Путин Яқин Шарқдаги вазиятни «жуда мураккаб» деб атади
21:00 / 21.10.2024