Роналд Рейганнинг собиқ маслаҳатчиси Россия фуқаролигини сўради

АҚШ давлат департаментининг собиқ ходимаси, ўз вақтида АҚШ президенти Роналд Рейганнинг маслаҳатчиси бўлган Сюзанна Масси Россия президенти Владимир Путинга мурожаат қилиб, ундан Россия фуқаролиги беришини сўради. 90 ёшли аёл Россия ва АҚШ ўртасидаги муносабатлар яхшиланиши ва совуқ уруш тугашида муҳим рол ўйнаган.

«Мен ҳаётимнинг кўп йилларини АҚШ ва Россия халқларини яқинлаштиришга бағишлаганман. Бугун ўз ишимни давом эттириш учун Россияда қолишим жуда муҳимдир. Агар президент Владимир Владимирович менга Россия фуқаролигини бериш учун имконият топса, уни қабул қилиш мен учун шараф бўларди», деб айтган Масси НТВ телеканалига берган интервьюсида.          

«Улар мен ҳақимда нима дейишларини, мени сотқин деб аташларини биламан. Мен Америкага қарши бўлган инсонман», деб тан олган Масси.

Унинг мурожаатига Кремлда изоҳ берилган. «Фуқаролик бериш борасида муайян тартибот бор», деб айтган Россия президенти матбуот котиби Дмитрий Песков.

Сюзанна Масси 1984—1988 йиллар давомида Рейганнинг coбиқ иттифоқ бўйича маслаҳатчиси бўлган. Уни «совуқ урушни тўхтатган аёл» деб ҳам аташган. 1985 йилдан 1997 йилгача рус тадқиқотлари Ҳарвард марказида илмий ходим бўлиб ишлаган ва Инсон ҳуқуқлари халқаро лигаси раҳбариятига кирган.

Шунингдек, Масси Рейганнинг собиқ иттифоқ президенти Михаил Горбачёв билан 1985-1986 йиллардаги учрашувларини ташкиллаштиришда иштирок этган.