Швецияда истеъфога чиққан бош вазир ўз лавозимига қайта сайланди

Швеция парламенти истеъфога чиққан бош вазир Стефан Левенни яна ушбу лавозимга тайинлаш учун овоз берди.

Фото: EPA

“Депутатларнинг ярмидан ками Левен номзодига қарши овоз бергани сабабли парламент уни бош вазир лавозимига тайинлаш таклифини маъқуллади”, деб эълон қилган парламент спикери Андреас Норлен.

Левен ўз ҳукумати таркибини 9 июлдаёқ эълон қилиши кутилмоқда.

21 июнда Швеция парламенти Левенга ишончсизлик билдирганди. Шундан кейин бош вазирда янги сайловлар тайинлаш ёки истеъфога кетиш бўйича қарор қабул қилиш учун бир ҳафта вақт бўлган.

Швеция бош вазирига ишончсизлик билдирилишига ҳукуматнинг янги қурилган турар жой биноларида ижара ҳақини эркин белгилашга рухсат бермоқчи бўлгани сабаб бўлган.

28 июнда Левен истеъфога чиқишини эълон қилган.