«J.P. Morgan»: 2021 йилда Ўзбекистон иқтисодиёти 8 фоиз ўсишга эришади
Халқаро банк Ўзбекистон иқтисодиётининг бу йилги ўсишини юқори даражада прогноз қилди.
20 июн куни «J.P. Morgan» инвестиция банки «Ўзбекистоннинг қуёш каби кўтарилиши» номли таҳлилий ҳисоботини эълон қилди.
Унга кўра, республика сўнгги 20 йил ичида Ўрта Осиё, Шарқий Европа, Яқин Шарқ ва Африка (CEEMEA) мамлакатлари орасида юқори ва барқарор ўсиш суръатига эриша олган саноқли мамлакатлардан бири бўлган.
Ҳисоботда Ўзбекистон иқтисодиёти 2021 йилда 8,1 фоиз, 2022 йилда 6,3 фоиз ўсишга эришиши прогноз қилинган. Жорий йилги иқтисодий ўсишга асосан қурилиш ва саноат тармоқлари ҳисса қўшади.
Қайд этилишича, 2016 йилдан кейин давлат қарзи тез суръатлар билан ўсиши кузатилса-да, бюджет қонуни билан давлат қарзининг энг юқори миқдори (ЯИМга нисбатан 60 фоиз) белгилангани ва давлат қарзининг 60 фоизга етиши эҳтимоли пастлиги қайд этилган.
Кенгайиб бораётган жорий операциялар ҳисоби тақчиллигининг асосий сабаби сифатида иқтисодий ўсишни қўллаб-қувватлашга қаратилган чоралар кўрсатилмоқда.
«J.P. Morgan» прогнозларига кўра, олтин нархи 2022 йилга бориб 1 минг 350 долларгача тушиши мумкин. Шу сабабдан, Ўзбекистон жорий операциялари ҳисоби тақчиллиги 2021 йилда ЯИМга нисбатан 4,5 фоизни, 2022 йилда ЯИМга нисбатан 8,5 фоизни ташкил этиши прогноз қилинмоқда.
Таъкидланишича, республика суверен халқаро облигациялари нархлари макроиқтисодий ҳолатнинг яхшиланаётганини акс эттиради. Бироқ ички капитал бозори кўламини кенгайтириш, даромадлилик эгри чизиғини узайтириш зарурати ва норезидентлар учун мавжуд чекловлар ҳам қайд этилган бўлиб, 2022 йилдан ички капитал бозорида ўзгариш кутилаётгани таъкидланган.
Аввалроқ, Жаҳон банки Ўзбекистон ялпи ички маҳсулотининг ўсиши жорий йилда 4,8 фоизгача, 2022 йилда эса 5,5 фоизгача бўлишини прогноз қилганди.
Тавсия этамиз
Magic City'нинг эгаси яна ўзгаради
Ўзбекистон | 21:22 / 17.03.2025
«Балки уддалармиз, балки йўқ». Трамп эртага Путин билан гаплашишга ваъда берди
Жаҳон | 20:36 / 17.03.2025
Эммануэл Макрон Европага «ядровий қалқон» таклиф этди
Жаҳон | 12:00 / 16.03.2025
АҚШ 43 давлат, жумладан Россия ва Беларус фуқароларининг киришини чеклаши мумкин
Жаҳон | 17:13 / 15.03.2025
Сўнгги янгиликлар
-
Путин Украина энергетика объектларига 30 кун зарба бермасликни қўллаб-қувватлади ва «ҳарбийларга тегишли буйруқ берди»
Жаҳон | 23:07
-
Бундестаг мудофаа харажатларини оширишга ёрдам берадиган қонунни маъқуллади
Жаҳон | 22:25
-
18 март янгиликлари: Ўзбекистонда рўй берган муҳим воқеа ва ҳодисалар
Ўзбекистон | 22:18
-
Трамп Путин билан телефон орқали мулоқот қилди. Суҳбат икки соатдан ортиқ давом этди
Жаҳон | 22:06
Мавзуга оид

21:06 / 06.05.2024
Марказий банк иқтисодий ўсиш прогнозини 5,2-5,7 фоизгача пасайтирди

21:08 / 31.10.2023
Алис Эванс: Аёлларнинг иқтисодий фаоллигини оширувчи омил – бу иқтисодий ўсиш

16:41 / 25.01.2021
Ўзбекистоннинг 2021 йилги иқтисодий ўсиши 5 фоиздан юқори бўлиши прогноз қилинмоқда

19:02 / 13.02.2019