Италия, Франция ва Испанияда ўрмон ёнғинлари авж олди

Италия ҳукумати ёнғинларни бартараф этишда ёрдам сўраб ЕИнинг бошқа мамлакатларига мурожаат қилган.

Фото: Reuters

Франция жануби, Испания ва Италиянинг Сардиния оролида кенг миқёсдаги ўрмон ёнғинлари авж олди, деб хабар бермоқда DW.

Хабарда айтилишича, Сардиния ороли ғарбида олов бир неча минг гектарга тарқалган, бир нечта уйларга зарар етган.

Италияда ёнғинларни ўчиришга авиация жалб этилган. Италия ҳукумати ёнғинларни бартараф этишда ёрдам сўраб ЕИнинг бошқа мамлакатларига мурожаат қилган.

Франция жанубидаги ўрмон ёнғинларини ўчиришда минглаб ўт ўчириш бригадалари қатнашмоқда.

Испания шимоли-шарқида ёнғин 1100 гектар ўрмон ва қишлоқ хўжалик ерларига зиён етказган. Ёнғинларни ўчиришга мамлакат армияси жалб этилган.