Тошкентда 5та автомобил олдинма-кетин тўқнашди

Жорий йилнинг 30 июл куни соат 19:40ларда Тошкент шаҳар, Мирзо Улуғбек тумани, Мустақиллик шоҳкўчасида йўл-транспорт ҳодисаси содир бўлди.

ИИВ ЙҲХБ хабарига кўра, "Captiva", "Cobalt", "LADA Vesta", яна бир "Cobalt" ва "BMW X5" русумли автомобиллар олдинма-кетин тўқнашиши оқибатида йўл-транспорт ҳодисаси қайд этилган.

ЙТҲ натижасида тан жароҳати олганлар йўқ. Тўқнашув юзасидан Тошкент шаҳар ИИББ ЙҲХБ ходимлари томонидан суриштирув ҳаракатлари олиб борилмоқда.