Coca-Cola сизни “Ҳақиқий мўъжиза”га таклиф қилади

Coca-Cola'нинг янги “Ҳақиқий мўъжиза” (Real Magic) реклама концепцияси олдинги “Татиб кўр, ҳис эт” (Taste the Feeling) шиори ўрнини эгаллайди ва бренднинг рамзий логотипини ўзгартиради.

Бу йил кузда Coca-Cola компанияси “Ҳақиқий мўъжиза” (Real Magic) номи билан ўз брендининг янги халқаро реклама концепциясини тақдим этди. Янги концепция 2016 йилдан бери яшаб келаётган “Татиб кўр, ҳис эт” (Taste the Feeling) концепциясининг ўрнини эгаллайди.

“Ҳақиқий мўъжиза” ҳаёт мўъжизаларига эътибор беришга, биз билан ҳозир, шу ерда ва айни дақиқаларда нималар содир бўлаётганини англашга, инсониятнинг ўзигагина тегишли сеҳрни байрам қилишга ундайди. Бу янги фалсафага оид биринчи телевизион ролик “Бир Coca-Cola'дан бошқасигача” деб аталади.

Янги концепция биз яшаб турган ҳозирги реалликни ҳисобга олган ҳолда одамларни бирлаштириш ва уларнинг кайфиятини кўтариш ҳақида Coca-Cola брендининг ваъдасини янгилайди. Концепция ортида 18 ойлик меҳнат ётибди. Концепцияга кўра, агар биз бирга бўлсак, исталган ҳамма жойдан мўъжизалар топишимиз ёки исталган бирор дақиқада одатий нарсалар кутилмаган ва ғайриоддийсига айланиши мумкин.

“Coca-Cola – ўзида бир вақтнинг ўзида қарама-қаршиликларни акс эттирган бренддир. У оддий, лекин рамзий, ҳақиқий, шу билан бирга мўъжизакор ҳамдир. Real Magic фалсафаси иккиланишлар дунёни янада қизиқарли қилишига ишонишга асосланган. Дунё ғайриоддий одамлар, кутилмаган имкониятлар ва ўзига хос лаҳзалардан иборат. Real Magic Coca-Cola'нинг моҳиятини акс эттиради: таърифлаб бўлмайдиган, ўзига хос ва сеҳрли таъм”, - дейди The Coca-Cola Company компаниясининг маркетинг бўйича вице-президенти Маноло Арройо.

“Ҳақиқий мўъжиза” Coca-Cola логотипида ҳам акс этади. Бренднинг барча реклама материалларида акс этадиган логотипнинг уч ўлчамли тасвири худди қути ва шишаларни қучиб тургандек кўринишда бўлади. Бу эгик логотип шаклидаги “қучоқлаш” Coca-Cola плакатлари ва реклама тахталаридаги тасвирларнинг ҳақиқий мўъжиза“қучоғи”га айланади. Янги реклама тасвирлари тўпламини яратиш учун компания етакчи рассомлар, фотографлар ва иллюстраторларни жалб қилди. Улар кундалик ҳаёт сеҳрини кўришнинг асл призмасидан ўтказиб, бир томондан универсал ва жамоавий, иккинчи томондан эса индивидуал ва мазмунли кўринишда Coca-Cola брендининг барча реклама материалларига олиб кирадилар.

“Ҳақиқий мўъжиза” – бу шунчаки шиор ёки қисқа муддатли кампания эмас. У – бренднинг мақсади ва фалсафасини акс эттиради ҳамда бир неча йиллар давомида Coca-Cola товар белгисининг маркетинг ва коммуникация йўналишини бошқаради.

Real Magic ҳақиқий ва виртуал оламни бирлаштириб турувчи “Бир Coca-Cola'дан бошқасигача” реклама ролиги билан бошланади. Бу – бизни ажратиб турувчи нарсалардан кўра бирлаштириб турувчилари кўпроқ экани ҳақида метафора.

“Ҳақиқий мўъжиза" ёрдамида биз истеъмолчиларга улар бир вақтнинг ўзида параллел бўлиши мумкинлиги ҳақидаги ноёб тажрибани кўрсатган ҳолда мулоқот ўрнатиш ниятидамиз. “Бир Coca-Cola'дан бошқасигача” реклама ролиги эса Coca-Cola компаниясидан нимадир ўзгачалик кутаётган жамият учун яратилган. Бу кампанияни ишлаб чиқишда биз энг яхши ижодкорлар, геймерлар билан ишладик, Twitch ва бошқа платформалардан фойдаланиб, биз олдин билганимиздан фарқли реалликда ўзимизни топиш учун ҳаракат қилдик. Бу ҳақиқатан ҳаяжонли”, - дейди Арройо.

Реклама ҳуқуқи асосида