Фото: Reuters
«Барселона» бош мураббийи Роналд Куман ўз лавозимини тарк этди.
Каталония клуби Ла Лига 11-тури доирасида «Райо Вальекано»дан (0:1) учралган мағлубиятдан сўнг 58 ёшли мутахассисинг истеъфосини эълон қилди.
Нидерландиялик мураббий 2020 йил ёзида «кўк-анорранглилар» устозига айланганди.
«Барса» Куман қўл остида ўтган мавсумда Испания Кубогини қўлга киритди, ЕЧЛни 1/8 финалда тарк этди, Ла Лигада 3-ўринни эгаллаганди. Бу мавсумда эса клуб 15 очко билан 9-поғонани эгаллаб турибди.
