Korzinka.uz супермаркетлар тармоғи асосчиси Зафар Ҳошимов пойтахтда чангли ҳаво кузатилаётган бир вақтда атроф-муҳит, корхона ва бинолардаги тозаликни таъминловчи меҳнаткашлар ҳақида ўз каналида пост жойлади.
«Бугун мен тозалик бўйича менежерларимизнинг қаҳрамонона меҳнатини нишонламоқчиман. Биз Korzinka'да бинолар ва ҳудудларни тозалаш учун масъул бўлган техник ходимларни шундай атаймиз.
Аммо бу нафақат бизнинг ходимларимизга тегишли. Корхоналарда, идораларда, умумий овқатланиш шохобчаларида, чакана савдо, маданий-маиший объектларда ва бошқа муассасаларда ўн минглаб ажойиб меҳнаткаш инсонлар меҳнат қилмоқда, уларнинг фидокорона ва эҳтимол ҳар доим ҳам муносиб қайд этилмайдиган машаққатли меҳнати туфайли биз ҳар куни ўзимизни тоза, қулай ва хавфсиз ҳис қилмоқдамиз.
Шу кунларда уларнинг одатда камтарона баҳоланадиган, лекин шу билан бирга ҳеч бир даражада аҳамияти паст бўлмаган меҳнатларисиз ҳаётимиз чидаб бўлмас бўлар эди. Шу билан бирга, уйларимиз ва кираверишларимизни, кўчаларимизни, боғ ва майдонларимизни тозалаётган барчага раҳмат айтаман. Сиз ҳар кунимизнинг ҳақиқий супер қаҳрамонисиз. Сизга катта раҳмат!», деб якунлаган постини тадбиркор.
