Нидерландия ЖЧга йўлланма олди. Украина ва Туркия плей-оффда қатнашади

D гуруҳида муддатидан аввал мундиал масаласини ҳал қилган  Франция (18) сафарда Финляндияни (11) мағлуб этди. Бундан фойдаланган Украина (12) Боснияда ғалаба қозониб, плей-оффда ўйнаш имкониятига эга бўлди. 

G гуруҳида Нидерландия (23) ўз уйида Норвегиядан (18) устун келиб, пешқадамликни сақлаб қолди ва ЖЧга йўлланма қўлга киритди. Туркия (21) эса Черногория устидан иродали ғалабага эришиб, 2-ўрин билан плей-оффга чиқди. 

Барча масала ҳал бўлган Е гуруҳида Бельгия (20, 1-ўрин) Уэльсда (15, 2-ўрин) муроса йўлини танлади. Чехия (14) гуруҳда 3-ўринни эгаллаганига қарамай, Миллатлар Лигасидаги ижобий иштироки туфайли Австрия каби плей-оффда иштирок этади. 

Шу тариқа Европа қитъасидан ЖЧга бориши керак бўлган 13 жамоадан 10таси маълум бўлди — Германия, Дания, Бельгия, Франция, Испания, Сербия, Хорватия, Швейцария, Англия, Нидерландия. 

Қолган 3 йўлланма эгаси икки босқичдан иборат плей-оффда аниқланади. Унда 12 жамоа қатнашади — Португалия, Россия, Италия, Швеция, Шотландия, Уэльс, Польша, Шимолий Македония, Украина, Туркия, Чехия ва Австрия.

Плей-оффга 26 ноябрь куни қуръа ташланади. Ўтиш ўйинлари 2022 йил март ойи сўнгида ўтказилади.

ЖЧ-2022 саралаши. Европа
10-тур. 16 ноябрь
D гуруҳи
Финляндия — Франция 0:2
Голлар: Бензема (66), Мбаппе (76).
Финляндия – Градецки, Уронен (Тэйлор, 73), О`Шонесси (Похьянпало, 82), Вяйсянен, Иванов, Ҳямяляйнен, Шюллер (Форсс, 64), Камара, Ниссиля (Валакари, 82), Луд, Пукки. 
Франция – Льорис, Дюбуа (Павар, 46), Зума, Упамекано, Кунде (Коман, 57), Динь, Рабьо (Верету, 86), Тчуамени, Гризманн (Гендузи, 67), Мбаппе, Диаби (Бензема, 56).

Босния ва Герцеговина — Украина 0:2
Голлар: Зинченко (59), Довбик (79).
Босния ва Герцеговина – Василь, Аҳмедҳожич, Ковачевич, Ҳажикадунич, Сушич, Стеванович, Ҳажиахметович (Налич, 71), Прцич (Крунич, 64), Гояк (Цимирот, 64), Демирович (Кодро, 80), Менало (Превляк, 71). 
Украина – Бущан, Тимчик, Матвиенко, Забарний, Соболь (Шапаренко, 64), Степаненко, Малиновский (Сидорчук, 81), Зинченко, Циганков (Зубков, 75), Ярмоленко (Караваев, 82), Яремчук (Довбик, 75).

Е гуруҳи
Уэльс — Бельгия 1:1
Голлар: Мур (32) — де Брюйне (12).
Уэльс – Уорд, Робертс, Дэвис, Родон, Мифем, Уильямс, Моррелл, Рэмзи (Жонсон, 90+3), Аллен, Мур, Жеймс. 
Бельгия – Кастельс, Менье (Троссард, 85), Боята, Кастань (Дендонкер, 59), Теате (Вертонген, 85), Т.Азар, Витцель, де Брюйне, Ванакен, де Кетеларе (Салемакерс, 58), Ориги (Ванзейр, 59).

Чехия — Эстония 2:0
Голлар: Брабец (59), Сикора (85).
Чехия – Вацлик, Цоуфал, Брабец, Зима, Новак, Масопуст (Крменчик, 60), Барак, Крал (Кухта, 60), Садилек (Павелка, 69), Пешек (Сикора, 28), Видра (Копиц, 69). 

G гуруҳи
Нидерландия — Норвегия 2:0
Голлап: Бергвейн (84), Депай (90+1).
Нидерландия – Силлессен, Думфрис, ван Дейк, де Лигт, Блинд, Вейналдум, Классен (де Рон, 74), де Йонг, Депай, Бергвейн, Данжума (Аке, 89). 
Норвегия – Нюланд, Педерсен (Ульсен, 87), Страннберг, Ҳанче-Ольсен, Мелинг, Торсбю (Торстведт, 46), Эдегор, Норманн (Грегерсен, 74), Эльюнусси, Сёрлот, Сольбаккен (Ҳауге, 46; Кинг, 74).

Черногория — Туркия 1:2
Голлар: Бечирай (4) — Актуркўғли (22), Кўкчи (60).
Черногория – Шаркич, Вешович, Томашевич, Савич (Симич, 57), Вуячич, Радунович, Йовович (Божович, 67), Осмайич, Ҳакшабанович (Вукотич, 57), Бечирай (Вуйнович, 67), Янкович (Раичкович, 74). 
Туркия – Чақир, Челик, Демирал, Суюнчи, Эркин, Айхан, Ўмур (Кутлу, 79), Актуркўғли (Йилмаз, 79), Чалхонўғли, Ўздемир (Кўкчи, 46), Б.Йилмаз, Дервишўғли (Караман, 69).

Гибралтар — Латвия 1:3
Голлар: Уокер (7) — Гутковскис (25), Улдрикс (55), Кроллис (75).