Қўшимча функционаллар
-
Тунги кўриниш
Муроджон Аҳмадалиев чемпионлик камарларини ҳимоя қилди
Муроджон Аҳмадалиев 12 раунд давом этган жангда Хосе Веласкесни ҳакамларнинг якдил қарорига кўра мағлубиятга учратиб, WBA ва IBF чемпионлик камарларини ўзида сақлаб қолди.
Профессионал бокс бўйича иккинчи ярим енгил вазн (-55,34 кг) тоифасида WBA ва IBF камарлари соҳиби Муроджон Аҳмадалиев (10-0, 7 КО) АҚШда навбатдаги жангини ўтказди.
Нью-Ҳемпширнинг Манчестер шаҳрида Муроджон Аҳмадалиевга чилилик Хосе Веласкесга қарши рингга чиқиб, тўлиқ раунд давом этган баҳсда очколар эвазига (119-109) ғалаба қозонди ва ўз камарларини ҳимоя қилди. Дастлабки раундларда Аҳмадалиев устунликка эришган бўлса, жангнинг ўрталаридан Веласкес ҳам фаоллик кўрсатди.
Охирги раундларда эса ўзбекистонлик боксчи рақибига нисбатан фаолроқ ҳаракат қилиб, ўз ғалабасини таъминлади.
Рио Олимпиадаси совриндори ҳисобланган Муроджон Аҳмадалиев 2018 йилнинг мартида «Мир бокса« промоутерлик компанияси билан шартнома имзолаб, профессионал боксчи сифатида фаолиятини бошлаган.
Муроджон Аҳмадалиев 2020 йилнинг январида Даниэль Романни мағлуб этиб, профи рингдаги саккизинчи жангидаёқ бирйўла иккита чемпионлик камарига эга чиққанди. У 2021 йил апрелида Тошкентда бўлиб ўтган жангида япониялик Рёсуке Ивасани бешинчи раундда нокаутга учратиб, ўз камарларини ҳимоя қилганди.
Мавзуга оид
17:18 / 14.09.2025
Муроджон Аҳмадалиев мутлақ жаҳон чемпионлиги учун жангда ҳакамлар қарорига кўра ютқазди
15:14 / 14.09.2025
Наои Иноуэ ва Муроджон Аҳмадалиев жангини кўриш учун 5 сабаб
10:54 / 13.09.2025
Аҳмадалиев «Монстр»га қарши. Бокс мухлисларини йил жанги кутмоқда
09:55 / 31.05.2025