Тошкентда экорейд бошланди

Экология ва атроф-муҳитни муҳофаза қилиш давлат қўмитаси ташаббуси билан Тошкент шаҳрида экологик рейдга старт берилди. Бу ҳақда қўмита расмий саҳифаларида маълум қилинди. 28 январь тонгида қўмита раиси Нарзулла Обломуродов қўмита ва Экопатрул инспекторларга ҳудудларда амалга оширилиши лозим бўлган вазифалар бўйича кўрсатмалар берди.

Фото: Экология қўмитаси

Экологик рейдлар жараёнида "Табиатни муҳофаза қилиш тўғрисида" ги қонун талабларининг бажарилишини таъминлаш, шунингдек аҳолининг экологик маданиятини янада юксалтириш борасида тарғибот ва ташвиқот ишлари ҳам олиб борилиши юзасидан зарурий тавсиялар берилди.

Давлат экология қўмитаси барча оммавий ахборот воситалари, журналистлар, блогерлар, влогерлар, экофаоллар ва кенг жамоатчилик вакилларини экологик рейдлар мобайнида ҳамкорлик қилиш учун чорламоқда.