Ўзбекистон россиялик туристлар учун энг оммабоп мамлакатлардан бирига айланиши мумкинлиги айтилди
Сайёҳларга «барчаси ичида» тизимига эга ва «Мир» тўлов карталари қабул қилинадиган мамлакатларга бориш тавсия этилди.
Хорижда Россия банкларига тегишли Visa ва Mastercard карталаридан фойдаланиш тўхтатилганидан сўнг сайёҳлар «барчаси ичида» тизимига эга ва «Мир» тўлов карталари қабул қилинадиган мамлакатларга боришлари тавсия этилади. Бу ҳақда Россия туроператорлар ассоциацияси маълум қилди.
АТОРнинг ёзишича, «барчаси ичида» тизимига эга мамлакатларга Туркия, Тунис ва Миср киради. Шунингдек, Малдив ва БААдаги қатор меҳмонхоналар ана шундай шаклда ишлайди. Парвозлар тикланганидан сўнг Куба, Доминикан, Мексикага бориш мумкин бўлади.
Сайёҳлар учун «Мир» карталарини қабул қиладиган энг кўп терминал ва банкоматларга эга мамлакатлар сифатида Беларусь, Арманистон, Ўзбекистон ва Қирғизистон тавсия қилинган. АТОРнинг фикрича, Ўзбекистон энг оммабоп масканлардан бирига айланиши мумкин.
Бундан ташқари, Абхазия ва Жанубий Осетия, Қозоғистон, Тожикистонда ҳам «Мир» карталари қисман қабул қилиниши айтилган.
Мавзуга оид
10:30
БМТ: Россия украиналик асирларни шафқатсиз қийноқларга дучор қилмоқда
08:50
Россияда судланувчиларнинг 40 фоизини ТИЗОдан урушга олиб кетиш режалаштириляпти
21:22 / 01.10.2024
Алишер Усмонов Германия судида яна бир бор ютиб чиқди
20:32 / 01.10.2024