2021 йилда энг кўп даромад ва зарар кўрган ОТМлар маълум қилинди

2021 йилни энг катта даромад билан якунлаган олийгоҳ – Низомий номидаги Тошкент давлат педагогика университети. Даромадлар ва харажатлар ўртасидаги энг катта салбий фарқ Андижон давлат университетида кузатилган.

Тошкент давлат педагогика университети / Фото: Kun.uz

Коррупцияга қарши курашиш агентлиги Олий ва ўрта махсус таълим вазирлиги ахбороти асосида республикадаги 62 та давлат олийгоҳининг 2021 йилдаги даромадлари ва харажатлари ҳақида маълумот берди.

Маълум бўлишича, республика кесимида энг кўп даромадлар Низомий номидаги Тошкент давлат педагогика университети (қарийб 400 млрд сўм), Наманган давлат университети (320 млрд сўм) ва Мирзо Улуғбек номидаги Ўзбекистон Миллий университети томонидан (315 млрд сўм) шакллантирилган.

Тошкент шаҳрида жойлашган энг кўп даромад кўрган 5 та олийгоҳ қуйидагилар:

Низомий номидаги Тошкент давлат педагогика университети – 399 млрд сўм;
Мирзо Улуғбек номидаги Ўзбекистон Миллий университети – 320 млрд сўм;
Ислом Каримов номидаги Тошкент давлат техника университети – 276 млрд сўм;
Тошкент давлат иқтисодиёт университети – 237 млрд сўм;
Ўзбекистон давлат жаҳон тиллари университети – 210 млрд сўм.

ОТМларининг даромадлари қуйидагилардан шаклланган:

бюджетдан молиялаштирилган маблағлар;
тўлов-контракт асосида ўқитиш учун тушган тушумлар;
ривожлантириш маблағлари бўйича даромадлар.

Шунингдек, рўйхатдаги 6 та ОТМнинг харажати умумий даромадидан қуйидаги миқдорда ошиб кетган:

Андижон давлат университети – 13,3 млрд сўм;
Самарқанд давлат университети – 12,2 млрд сўм;
Тошкент давлат шарқшунослик университети – 6,6 млрд сўм;
АДТУнинг Ўзбекистон Республикаси Тошкент вилояти филиали – 6,6 млрд сўм;
Урганч Давлат университети – 3,5 млрд сўм;
Наманган муҳандислик қурилиш институти – 3 млрд сўм.

Давлат олий таълим муассасаларининг йиллик даромадлари ва харажатлари (2022 йил 1 январь ҳолатига, млн сўм)

№	Олий таълим муассасалари	Жами даромадлар	Жами харажатлар
	Низомий номидаги Тошкент давлат педагогика университети	398 619	139 256
	Наманган давлат университети	320 567	241 888
	Мирзо Улуғбек номидаги Ўзбекистон миллий университети	315 449	293 327
	Урганч Давлат университети	308 789	312 348
	Бердақ номидаги Қорақалпоқ давлат университети	286 134	234 022
	Ислом Каримов номидаги Тошкент давлат техника университети	276 072	253 242
	Бухоро Давлат университети	251 734	244 808
	Термиз Давлат университети	251 213	225 929
	Тошкент Давлат иқтисодиёт университети	237 407	188 113
	Фарғона Давлат университети	233 458	187 662
	Қарши Давлат университети	232 780	170 980
	Самарқанд давлат университети	216 655	228 884
	Қўқон Давлат педагогика институти	212 506	161 320
	Андижон Давлат университети	211 774	225 150
	Ўзбекистон давлат жаҳон тиллари университети	210 000	194 196
	А.Қодирий номли Жиззах давлат педагогика институти	192 769	132 388
	Қарши муҳандислик-иқтисодиёт институти	189 529	103 484
	Тошкент вилояти Чирчиқ давлат педагогика институти	187 887	146 128
	Гулистон Давлат университети	167 514	107 813
	Бухоро муҳандислик техналогия институти	143 538	87 983
	Тошкент молия институти	137 400	115 955
	Самарқанд давлат чет тиллар институти	133 857	106 961
	Фарғона политехника институти	129 461	123 752
	Тошкент ирригация ва қишлоқ хўжалигини механизациялаш муҳандислари институти	113 037	101 612
	Самарқанд Давлат Архитектура қурилиш институти	97 403	76 298
	Жиззах Политехника институти	92 884	83 639
	Тошкент Тўқимачилик ва енгил саноат институти	82 350	72 985
	Тошкент Кимё Технология институти	79 135	69 846
	Наманган муҳандислик - технология институти	78 517	71 423
	Тошкент архитектура қурилиш институти	76 445	70 564
	Тошкент давлат шарқшунослик университети	75 967	82 648
	Самарқанд иқтисодиёт ва сервис институти	73 710	48 399
	Алишер Навоий номидаги Тошкент давлат ўзбек тили ва адабиёти университети	72 357	49 831
	Андижон Машинасозлик институти	71 378	67 097
	Наманган муҳандислик қурилиш институти	66 573	69 494
	Ислом Каримов номидаги Тошкент давлат техника университети Термиз филиали	63 750	31 342
	Денов тадбиркорлик ва Педагогика институти	60 948	50 145
	Ажиниёз номидаги Нукус Давлат Педагогика институти	59 398	42 696
	Навоий Давлат Педагогика институти	59 209	38 248
	Қарши Давлат Университетининг Педагогика институти	54 077	22 492
	Термиз давлат университетининг Педагогика институти	46 250	32 214
	Ислом Каримов номидаги ТДТУ Олмалиқ филиали	40 853	34 609
	И.М.Гупкин номидаги Россия давлат нефт ва газ университети	33 314	25 563
	Тошкент ирригация ва қишлоқ хўжалигини механизациялаш муҳандислари институти Бухоро филиали	32 763	31 528
	Ўзбекистон журналистика ва оммавий коммуникациялар университети	32 757	25 270
	Самарқанд давлат университетининг Ўзбекистон-Финландия педагогика институти	30 971	8 245
	Андижон давлат университетининг Педагогика институти	23 356	7 534
	“Мирзо Улуғбек номидаги Ўзбекистон Миллий Университетининг” Жиззах филиали	18 771	15 006
	Тошкент кимё технология институти Янгиер филиали	16 240	9 421
	“Миллий технологик тадқиқотлар университети МИСиС" нинг Олмалиқ шаҳридаги филиали	16 231	13 745
	Тошкент кимё-технология институти Шаҳрисабз филиали	16 162	12 271
	Тошкент ирригация ва қишлоқ хўжалигини механизациялаш муҳандислари институти Қарши филиали	16 129	14 553
	Самарқанд давлат университетининг Каттақўрғон филиали	13 431	9 141
	Техника университети Қўқон филиали	12 352	8 895
	АДТУ нинг Ўзбекистон Республикаси Тошкент вилояти филиали	11 708	18 310
	Тошкент шаҳридаги Беларусь-Ўзбекистон қўшма тармоқлараро амалий техник квалификациялар институти	10 139	5 744
	Бухоро давлат университетининг Педагогика институти	8 168	5 933
	Тошкент давлат иқтисодиёт университети Самарқанд филиали	6 965	4 913
	Андижон иқтисодиёт ва қурилиш институти	5 921	4 824
	Д.И.Менделеев номидаги Россия кимё-технология университетининг Тошкент шаҳридаги филиали	5 836	2 617
	“МЭИ” миллий тадқиқот университети федерал давлат бюджети олий таълим муассасасининг Тошкент филиали	5 307	3 695
	М.В.Ломоносов номидаги Москва давлат университетининг Тошкент шаҳридаги филиали	1 256	1 155