Коронавирус: Ўзбекистонда кунлик ҳолатлар кўтарилиши давом этмоқда

Соғлиқни сақлаш вазирлиги касалланишлар сони ортишда давом этаётгани, сўнгги бир кунда Ўзбекистонда янги касалланиш ҳолатлари яна 100 дан ошиқ бўлгани ҳақида хабар берди.

«2022 йил 25 июн ҳолатига кўра, Ўзбекистонда коронавирус инфекцияси қайд этилганлар сони 240345 (+139) нафарни ташкил этмоқда», дейилади хабарда.

Янги касалланиш ҳолатларининг:

• 2 нафари Қорақалпоғистон Республикасида,
• 1 нафари Андижон вилоятида,
• 5 нафари Бухоро вилоятида,
• 6 нафари Жиззах вилоятида,
• 17 нафари Қашқадарё вилоятида,
• 4 нафари Навоий вилоятида,
• 4 нафари Наманган вилоятида,
• 3 нафари Самарқанд вилоятида,
• 3 нафари Сирдарё вилоятида,
• 10 нафари Сурхондарё  вилоятида, 
• 11 нафари Фарғона вилоятида, 
• 4 нафари Хоразм вилоятида,
• 13 нафари Тошкент вилоятида,
• 56 нафари Тошкент шаҳрида коронавирусга чалинган беморлар билан мулоқотда бўлганлиги сабабли намуна олинган фуқаролар орасида аниқланган.

Кеча кун давомида

• Қашқадарё вилоятида 3 нафар, 
• Фарғона вилоятида 1 нафар,
• Тошкент вилоятида 6 нафар,
• Тошкент шаҳрида 15 нафар бемор тузалиб, касалликдан соғайганлар жами 237882 (+25) нафарга етди ва соғайиш кўрсаткичи 99 фоизни ташкил этмоқда.

Ўзбекистонда июн ойининг иккинчи ярмида коронавирусга чалиниш ҳолатлари орта бошлади. 18 июн куни феврал ойидан буён илк бор кунлик ҳолатлар сони 100 дан ошди (+108). Кейинги беш кунликда кунлик ҳолатлар сони 100 дан камроқ бўлди, аммо 25 июн куни яна 100 дан ошиқ ҳолат (+119) қайд этилди.

Шаҳар ҳокими қарори билан, Тошкент шаҳрида коронавирусни даволашга ихтисослашган махсус поликлиникалар фаолияти қайта йўлга қўйилмоқда.