Эрдўған Теҳронда Путин билан ўтказган учрашувига баҳо берди

Ражаб Тоййиб Эрдўған Владимир Путин Анқаранинг Украинадаги вазиятни барқарорлаштириш йўлидаги саъй-ҳаракатларига "ижобий муносабатда" эканлигини қайд этди.

Фото: AFP

Туркия президенти Ражаб Тоййиб Эрдўған Теҳронда Россия президенти Владимир Путин билан ўтказган музокараларини сермаҳсул деб атади.

"Россия президенти Путин билан икки томонлама мазмунли ва сермаҳсул учрашув бўлиб ўтди", — деди у.

Эрдўған Путин Анқаранинг Украинадаги вазиятни барқарорлаштириш йўлидаги саъй-ҳаракатларига "ижобий муносабатда" эканлигини қайд этди. Унинг қўшимча қилишича, Россия президенти бунинг учун "миннатдорлик ҳам билдирган".

"Табиий газ, “Оққую” ва бошқа масалаларда ҳам ҳамкорликни давом эттирамиз деган умиддаман", — деди Туркия президенти.

Аввалроқ Эрон пойтахти Теҳронда Россия, Туркия ва Эрон президентлари иштирокида Сурия масаласи бўйича саммит ўтказилди.