Яна бир банк ребрендинг қилди: бу нимани англатади?

Маркетинг таҳлили ва банкнинг узоқ йиллик стратегияси асосида ишлаб чиқилган ребрендинг хизматларининг сифати ва оммабоплигини ошириш, мижозларга ҳар қачонгидан кўпроқ қулайликлар яратиш, банк хизматлари фойдалаланувчиларига янада қулай ва яқинроқ бўлишни кўзда тутади.

26 август куни пойтахтимиздаги “Hyatt Regency” меҳмонхонасида бўлиб ўтган ребрендинг тадбирида “Микрокредитбанк” бошқаруви раиси Ориф Бўтаев сўзга чиқиб, унда трансформация жараёнларини янада жадаллаштириш, рақамли банк технологияларини жорий этиш, бу орқали банк хизматларининг сифати ва оммабоплигини оширишга қаратилган режалар ҳақида йиғилганларга ахборот берди.

Тадбир давомида Микрокредитбанкнинг шу кунга қадар босиб ўтган йўли, амалга оширилган ишлар ҳақида батафсил маълумот берилди. Шу билан бирга, келгусида банк фаолиятида кутилаётган ўзгаришлар, аҳолига тақдим этилаётган янги турдаги хизматлар, уни Ўзбекистондаги энг илғор банклардан бирига айлантириш йўлидаги стратегик ғоя ҳам режалар билан бўлишилди.

Бундан ташқари, тантанали тадбирда BRANDBOOK ва Манифест промо-роликлари намойиш этилди. Шу куни банк сайти ҳам янгилаган кўринишда ишга туширилди.

Таъкидланишича, янги логотипдаги “М” ҳарфи бу “Микрокредитбанк”ни; яшил рангдаги белги тўғри танлов, барқарорлик, бирлик, муваффақиятни; иккита кўк устунлар пойдевор, мустаҳкам ишончни билдиради. Яшил ранг ўсиш ва ривожланиш англатса, кўк ранг профессионаллик ва тараққиётни ифодалайди. МКБАНК – янги бренд номи сифатида “Микрокредитбанк”нинг қисқа номланиши ҳисобланади. “МКБАНК - ФАРОВОН ҲАЁТ ПОЙДЕВОРИ!” – бу “Микрокредитбанк”нинг янги шиори.

Ребриндинг тадбирида бошқарув раисининг биринчи ўринбосари Акмал Ҳамидов банкнинг янги ривожланиш стратегияси, трансформация жараёнларининг бориши ҳамда 2022–2025-йилларда амалга оширилиши кутилаётган лойиҳалар ҳақида ҳам тўхталиб ўтди.

Маълумот учун:

“Микрокредитбанк” республикамизнинг йирик тижорат банкларидан бири бўлиб, республика бўйича 71 та филиал, 91 та банк хизматлари марказлари, 150 та 24/7 кўринишидаги махсус кассалар, 143 та халқаро пул ўтказмалари шохобчалари, 155 та валюта айирбошлаш шохобчалари тармоғига эга. Ўрнатилган банкоматлар сони 2020 йилда 102 донани ташкил этган бўлса, ҳозирги кунда бу кўрсаткич 529 тага етказилган.

Асосий кўрсаткичлар бўйича “Микрокредитбанк” республика банклари орасида 2020 йилдаги 12-ўриндан бугунги келиб 8-ўринга кўтарилган.

Реклама ҳуқуқи асосида