Донбассдаги қарши ҳужум ва россияликлар истеҳкомларини ўтинга айлантираётган украинлар. Уруш суратлари
24 сентябр кун Доғистонда сафарбарликка қарши оммавий намойишлар бўлиб ўтди, намойишга чиққанлар қўлга олинди. Россия бўйлаб ҳарбий комиссариат биноларига ўт қўйилмоқда. Украинанинг босиб олинган ҳудудларида Россия таркибига кириш бўйича «референдумлар» ўтказилмоқда. Қатор мамлакатлар - жумладан, Туркия, Қозоғистон ва Сербия ҳам унинг натижаларини тан олмаслигини эълон қилди. «Медуза» манбалари «референдумлар» якунлангач, Россия чегаралари сафарбарлик ёшидаги эркаклар учун ёпилиши ҳақида хабар берди. Бу вақтда Украина қуролли кучлари босиб олинган ҳудудларини озод этишда давом этмоқда. Бу ҳудудлар аҳолиси россияликлардан қолган блиндажларнинг ёғочларини чиқариб олмоқда — кўп вақтлик истило ва отишмалар туфайли шаҳарларда электр ва газ йўқ.
Қуйида 25 сентябр, урушнинг 214-кунида Украина ва Россиянинг турли ҳудудларида олинган суратлар.
Украина армиясининг ярадор аскарлари эвакуацияси
Украиналик жангчилар ярадор сафдошини санитар машинага жойлаштиришмоқда. Шу кунларда бу отряд Донецк областининг Лиман районидаги Шурово қишлоғини озод этди, бу ерда Украина ўз қарши ҳужумини давом эттирмоқда.
Leo Correa / AP / Scanpix / LETAДонецк областидаги озод этилган Шурово қишлоғида яраланган украин аскари қуролдошлари ҳамроҳлигида тиббий ёрдам олиш учун кетмоқда .
Leo Correa / AP / Scanpix / LETAМахсус топшириқли «Днепр-1» патрул полки жангчилари Шимолий Донни кечиб ўтиб, Шурово қишлоғига тушмоқда.
Leo Correa / AP / Scanpix / LETA
Украинанинг озод этилган ҳудудлари
Изюмда яксон этилган спортзал. Шаҳар 11 сентябр куни Украина қуролли кучлари томонидан озод этилди. Ярим йил давом этган истило ва жанглар вақтида шаҳар кучли даражада жабрланган.
Yasuyoshi Chiba / AFP / Scanpix / LETAУкраин ҳарбийлари Изюмда Шимолий Дон устидан ўтган кўприкни кўздан кечиришмоқда.
Yasuyoshi Chiba / AFP / Scanpix / LETAОзод этилган Изюмда Россия қўшини чекиниши вақтида яксон этилган ва ташлаб кетилган зирҳли техникалар.
Yasuyoshi Chiba / AFP / Scanpix / LETAИзюм аҳолиси россияликларнинг ташлаб кетилган блиндажини парчаламоқда. Россия истилосидан озод этилган шаҳар ва қишлоқларда свет, ичимлик суви ва газ йўқ.
Gleb Garanich / Reuters / Scanpix / LETAИзюм атрофида россияликлар ташлаб кетган блиндажларни (дала истеҳкоми) ўтинга ажратаётган маҳаллий аҳоли.
Gleb Garanich / Reuters / Scanpix / LETA
Босиб олинган ҳудудлардаги «референдумлар»
Босиб олинган Мариуполдаги сайлов участкасига киришда турган қуролланган ҳарбий. Россияга қўшилиш бўйича «референдумлар» 23-27 сентябр кунлари Донецк, Луҳанск, Запорижжя ва Херсон областларининг босиб олинган ҳудудларида бўлиб ўтмоқда. Қатор мамлакатлар унинг натижаларини тан олмаслигини эълон қилиб бўлди.
EPA / Scanpix / LETAМариуполда «ДХР»нинг Россия таркибига кириши бўйича «референдум» жараёни.
Егор Алеев / ТАССИстило остидаги Волновахидаги «референдум»да «сайёр сайлов участкаси».
Егор Алеев / ТАСС
Россиядаги сафарбарлик
Москванинг Кунцевский районидаги ҳарбий комиссариатда чақирилганларнинг қариндошлари. Президент Путин 21 сентябр куни қисман сафарбарлик тўғрисидаги фармонини имзолади. Аммо кўплаб ҳарбий комиссарлар фармондаги бандларга зид ўлароқ барчани бир бошдан - ёши тўғри келмайдиган ва армияда хизмат қилмаганларга ҳам чақирув қоғозлари жўнатмоқда. Бунга жавобан Россич бўйлаб ҳарбий комиссариат биноларига ўт қўйиш тўлқини ва сафарбарликка қарши оммавий намойишлар бўлиб ўтмоқда.
Михаил Терешченко / ТАСС
