Тошкент шаҳрида бўлиб ўтган Туркий давлатлар ташкилоти транспорт вазирлари йиғилиши доирасида Ўзбекистон ва Венгрия авиация маъмуриятлари ўртасида музокаралар ташкил этилди.
Фото: Dunyo
Музокаралар чоғида икки давлат ўртасида мунтазам ҳаво қатновини йўлга қўйиш, тайинланган авиакомпанияларга парвозларни амалга ошириш учун тегишли ҳуқуқларни бериш ҳамда ҳаво қатнови тўғрисида ҳукуматлараро битим лойиҳаси якуний матнини келишиш масалалари муҳокама қилинди.
Музокаралар якунига кўра, тегишли баённома имзоланди ва битим лойиҳаси якуний матни келишилди. Томонлар мазкур битим имзоланишини тезлаштириш бўйича тегишли ишларни амалга оширишга келишиб олди.
