Jetour автомобиллари – оилавий ва салобатли автомобил ишқибозлари эътиборида

Фото: Jetour

Қисқа вақт ичида Ўзбекистон автобозорида ўз ўрнини топган ва энг кўп сотилган Хитойнинг Jetour автомобиллари ихлосмандлари бирлашишди.

Замонавий, тежамкор бензин двигателли, қулайлик ва ҳашамат борасида етакчи автомобиллар ҳар доим автоишқибозлари эътиборини тортади. 2021 йил сентябр ойида Ўзбекистон автомобил бозорига расман кириб келган Jetour брендига тегишли автомобиллар бу хусусиятларнинг барчасига эга. Хитойнинг йирик автомобил концернлари билан ҳамкорликда ишлайдиган Auto motors asia автосалони Jetour автомобилларининг бир нечта позицияларини тақдим этмоқда.

Jetour X70:

1.5L турбо двигатели билан ECO ва SPORT режимларида ҳаракатланувчи 7 ўриндиқли автомобил 100 км масофага 7,6 литр ёқилғи сарфлайди.

Кенглик, баландлик ва нарх борасида ҳар қандай рақобатчини доғда қолдириши табиий.

JETOUR X70 PLUS:

1,6 турбо двигател 100 км.га 7 литр ёқилғи сарфлайди. Енгил ечимлар ва юқори қулайлик бутун бошқарувда акс этади. Фарзандларингиз билан узоқ масофаларни ҳам зерикмасдан босиб ўтиш мумкин.

JETOUR X90 PLUS:

1,6 турбо двигател 100 км.га 7,5 литр ёқилғи сарфлайди. Панорама том, ўриндиқлардаги 6 босқичли “ақлли” иситиш тизими максимал шинамликни таъминлайди. Ҳақиқий адреналин маконига шўнғишни истаганлар учун JETOUR X90 PLUS ажойиб танловдир. Орқа ўриндиқлардаги кенглик оилавий автомобил шинавандаларининг орзуси ҳисобланади.

Компаниянинг мақсади фақат автомобил билан таъминлаш эмас. Улар JETOUR ихлосмандларини бир жойга жамлаш, ҳамфикр ва дўстона муҳитни яратишга киришишган. Шу муносабат билан Ўзбекистонда энг кўп сотилган Хитой автомобили сифатида JETOUR автомобиллари клуби ташкил этилди. Бу юртимиз тарихида илк автоклуб ҳисобланади. Унга Jetour харид қилган барча мижозлар аъзо бўлишган.

Жорий йилнинг 5 ноябр санасида расмий диллер - Jetour автоклуби аъзолари учун Тошкент вилоятининг Бўстонлиқ туманидаги сўлим гўшаларга саёҳат уюштирилди. Саёҳат давомида клуб аъзолари қизиқарли саргузаштлар ва совғалар билан JETOUR бренди остида бирлашишди. Бу билан 3 йиллик тажрибага эга компания ўз мижозларини ҳар доим қўллаб-қувватлашини ифодалади.