2022 йил 10 ойида 558,6 минг нафар Ўзбекистон фуқаролари дам олиш ва ҳордиқ чиқариш учун хорижга чиққан.
Фото: Kun.uz
Давлат статистика қўмитаси маълумотларига кўра, ўзбекистонликлар дам олиш ва ҳордиқ чиқариш учун энг кўп сафар қилган давлатлар орасида Туркия биринчи ўринни эгаллади – 202,1 минг киши.
Ундан кейинги ўринлардан мос равишда 87,9 минг киши ҳамда 49 минг киши сафар қилган БАА ва Саудия Арабистони жой олди.
Ушбу кўрсаткич қолган давлатлар кесимида қуйидагича кўриниш олди:
- Миср – 29,5 минг киши;
- Кувайт – 9,6 минг киши;
- Жанубий Корея – 9,4 минг киши;
- АҚШ – 8,4 минг киши;
- Грузия – 6,7 минг киши;
- Ҳиндистон – 4,9 минг киши;
- Германия – 3,5 минг киши.
