«Бу ҳамма учун сигнал»: Зеленский - вазир ўринбосарининг қўлга олиниши ҳақида

Украина президенти Володимир Зеленский кечки видеомурожаатида Украина жамоалари, ҳудудлари ва инфратузилмасини ривожлантириш вазири ўринбосари Василий Лозинскийнинг асбоб-ускуналар сотиб олиш бўйича шартномалар учун пора олганликда гумон қилиниб ушланиши ва ишдан бўшатилишига изоҳ берди.

Фото: Украина президенти офиси

«Мен бу хатти-ҳаракат адолат тамойилига зид бўлган ҳар бир киши учун бизнинг сигналимиз бўлишини истайман. Албатта, ҳозир асосий эътибор мудофаа масаласига қаратилган, бу ташқи сиёсат масаласи, бу уруш масаласи. Бу мен улар жамиятда турли даражадаги - марказда ҳам, минтақаларда ҳам нима деяётганини кўрмаяпман ва эшитмаяпман, деганини англатмайди», деди Зеленский.

Унинг сўзларига кўра, келгуси ҳафта «тегишли қарорлар вақти бўлади».

«Қарорлар аллақачон тайёрланган. Мен уларни ҳозир эълон қилмоқчи эмасман, лекин буларнинг барчаси адолатли бўлади», деди президент ва «махсус хизматлар Украина, мустақиллик ва украин халқига нисбатан ҳаракатлари учун ҳеч бўлмаганда жазо чораларига лойиқ бўлган одамларга қарши ишда муваффақиятга эришмоқда», деб қўшимча қилди.

«Жавоб қадамлари ҳам қўйилади», — дея қўшимча қилди Зеленский.

Тайёрлаган: Отабек Матназаров

#Володимир Зеленский #Василий Лозинский