KOICA ТАТУда IT-бизнес дастурини йўлга қўяди

Ўзбекистон Олий таълим, фан ва инновациялар вазирлигида KOICA'нинг Ўзбекистондаги ваколатхонаси раҳбари ўринбосари Жанг Вонжуне ҳамда Кукмин университети проректори, Стратегик бошқарув институти директори Бёунг Жон Ким билан учрашув бўлиб ўтди, деб хабар бермоқда «Дунё».

Фото: Dunyo

Унда Тошкент давлат ахборот технологиялари университетида Глобал IT-бизнес дастурини йўлга қўйиш, Living Lab ёндашуви асосида IT-бизнеснинг саноат-академик ҳамкорлик дастурини кенгайтириш масалалари муҳокама қилинди.

Учрашув давомида STEP (Ўзбекистонда стартап ва технологиялар экотизимини илгари суриш дастури) доирасида амалга оширилаётган лойиҳалар ва истиқболдаги режалар, олий таълим муассасаларида рақамли таълимни қўллаб-қувватлаш бўйича миллий сиёсат, Жанубий Корея ҳукумати ва корхоналари билан ҳамкорлик йўналишлари каби масалалар хусусида фикр алмашилди.

Ҳозирги кунда KOICA ташкилоти билан ҳамкорликда STEP дастури доирасида 3 та лойиҳа амалга оширилмоқда.

#ТАТУ #KOICA