Россия ва Хитой Марказий Осиёга «ташқи аралашувни қабул қилмасликларини» айтди

Томонлар Марказий Осиё давлатларининг суверенитетини қўллаб-қувватлашини маълум қилди.

Фото: Kenzaburo Fukuhara - Pool/Getty Images

Россия ва Хитой Марказий Осиё мамлакатларига ташқи аралашув ва «рангли инқилоблар» импортини қабул қилмайди.

Бу ҳақда икки давлат ўртасидаги ҳар томонлама шериклик ва стратегик ҳамкорликни чуқурлаштириш бўйича эълон қилинган қўшма баёнотда келтирилган.

«Томонлар Марказий Осиё давлатларининг суверенитети ва миллий тараққиётини таъминлашда қўллаб-қувватлаш бўйича ўзаро мувофиқлаштиришни кучайтиришга тайёр, «рангли инқилоблар»ни импорт қилишга уринишларни ва минтақа ишларига ташқи аралашувни қабул қилмайди», дейилади баёнотда.

Баёнот Хитой раҳбари Си Жинпинг давлат ташрифи билан Россияга бориб, президент Владимир Путин билан учрашганидан кейин эълон қилинди.

#Хитой #Марказий Осиё #Россия