Собиқ президентга фирибгарлик бўйича айблов эълон қилиниши кутилмоқда.
АҚШ собиқ президенти Доналд Трамп 4 апрель куни тушдан кейин Нью-Йоркдаги судга бориши шарт, деб хабар берди CNN ўз манбаларга таяниб.
Унинг молиявий фирибгарлик иши бўйича суд мажлиси соат 14:15 га белгиланган (Тошкент вақти билан 23:15). Қайд этилишича, Трампга Махфий хизмат ходимлари ҳамроҳлик қилади. Собиқ президентнинг ўзи 3 апрель куни кечқурун Нью-Йоркка етиб боради.
Аввалроқ ҳакамлар ҳайъати Доналд Трампга фирибгарлик билан боғлиқ 30 та ҳолат бўйича айблов эълон қилиши ҳақида хабар берилганди.
Доналд Трамп адвокатининг айтишича, сиёсатчи келаси ҳафта, 4 апрель куни Манҳэттендаги Нью-Йорк штати Олий суди маҳкамасига боради.
Аввалроқ, Нью-Йоркдаги катта ҳакамлар ҳайъати собиқ президентга айблов эълон қилиш учун овоз берди. Манбаларнинг айтишича, яқин кунларда айблов хулосаси эълон қилинади.
