Dеpo Маll-2 мажмуасида тижорий бинолар сотуви – бизнес учун қулай макон

2023 йил 10 апрель куни Golden House компаниясининг Depo Маll савдо марказида тижорий бинолар бўйича сотувларнинг иккинчи навбати очилди.

Golden House компанияси пойтахтимизнинг аҳолиси гавжум Учтепа туманида жойлашган Depo Маll-2 савдо-кўнгилочар марказидаги тижорий бинолар бўйича сотувлар бошланганини эълон қилади. Бу замонавий савдо-сотиқ форматидаги чакана бизнес ривожи нуқтайи назаридан энг истиқболли жойлардан бири ҳисобланади.

Эслатиб ўтамиз, Dеpo Маll мажмуаси 2021 йил охирида очилган. Қисқа вақт ичидаги фаолияти давомида савдо маркази маҳаллий аҳоли ҳамда пойтахтимиз меҳмонлари орасида машҳурликка эришди. Лойиҳа афсонавий трамвай депосининг тарихий қиёфасини сақлаб қолган, шу билан бирга ички макон замонавий ритейлингга хос барча талабларни инобатга олган ҳолда лойиҳаланган ва амалга оширилган.

Бу қулай шароитлар ва яхши ўйланган логистика тизимига эга янги концептуал савдо-кўнгилочар мажмуа бўлиб, ўзида замонавий савдо марказининг барча афзалликларини жамлаган. Ҳудудда катта тураргоҳ, кенг жамоат майдонлари, турли-туман дўконлар, қаҳвахона, ўйин-кулги марказлари мавжуд.

Оилавий ҳордиқ чиқариш учун бу ерда замонавий кинотеатр ҳамда кўплаб лабиринтлар, батутлар ва аттракционларга эга Луна Парк болалар кўнгилочар маркази хизматлари мавжуд бўлиши назарда тутилган.

Савдо маркази замонавий муҳандислик тизимлари, жумладан, марказий вентиляция ва кондиционер тизими билан жиҳозланган. Бу ер ёзда хушҳаво ва қишда иссиқ, бу эса ташриф буюрувчиларга бўш вақтларини ўз оилалари билан қулай ва шинам муҳитда ўтказиш имконини беради.

Тез орада бу ерда Ўзбекистондаги йирик савдо тармоқларидан бири – «Маgnum» гипермаркети очилади. У деярли 4 000 м2 майдонни эгаллайди.

У туман аҳолисини ўзига жалб қилишга қодир яна бир муҳим марказга айланади. «Маgnum» гипермаркетлар тармоғи юқори сифатли хизмат, кенг ассортимент, янги ва сифатли маҳсулотлар, арзон нархлар, шунингдек, мослашувчан чегирмалар тизими орқали танилган.

Асосий эътибор хавфсизлик масалаларига қаратилган. Бу ерда нафақат замонавий видеокузатув тизими ўрнатилган, балки профессионал қўриқлаш хизмати мажмуаси ҳам хизмат кўрсатади.

Dеpо Маll-2 лойиҳасининг бизнес учун имкониятларни янада тўлдириш ва кенгайтириш орқали янги навбати савдо мажмуасининг ягона муҳитига уйғун интеграция қилинган.

Ўз бизнесини кенгайтириш учун янги майдонлар қидираётган тадбиркорлар ва компаниялар учун Golden House компанияси мослаштирилган харид шартлари ҳамда ёқимли бонусларни тақдим этади.

Бугун кунда 35 кв.м дан 620 кв.м гача майдонга эга бинолар сотувда мавжуд. Бу бинолар янги дўконлар, қаҳвахона, ресторанлар, спорт клублари ва гўзаллик салонлари учун жуда мос.

Сотув офиси манзили: Истиқбол кўчаси, 45-1, Infinity марказий сотув офиси, Тел: +998 99 850-11-11.

Реклама