Раддия: Kun.uz видеосида хатоликка йўл қўйилган

Таҳририят бошқа шахс – М.Холматов ҳақидаги кадрни тўлдиришда собиқ Тошкент вилояти ҳокими, амалдаги Агросаноат мажмуи ходимлари касаба уюшмаси Республика кенгаши раиси Рустам Холматовнинг суратидан фойдаланиб, хатоликка йўл қўйган.

Куни кеча Kun.uz’нинг ютуб каналига Сардоба фожиаси ҳақида таҳлилий видеоролик жойланганди. Унда таҳририят ходими мазкур фожиа доирасида жиноий жавобгарликка тортилган «Ўзтемирйўлқурилишмонтаж» УК бош директорининг ўринбосари – Гидротехник иншоотлар қуриш дирекцияси бошлиғи лавозимида ишлаган М.Холматов ҳақидаги кадрларни тўлдиришда Тошкент вилоятининг собиқ ҳокими, ҳозирда Агросаноат мажмуи ходимлари касаба уюшмаси республика кенгаши раиси лавозимида ишлаб келаётган Рустам Холматовнинг суратидан фойдаланиб, хатога йўл қўйган.

Ушбу қўпол хатолик туфайли видеоролик ижтимоий тармоқлардан ўчирилди. Шунингдек, уни тайёрлашда хатога йўл қўйган ходимларга белгиланган тартибда жазо чоралари қўлланди.

Таҳририят мазкур хатолик учун Рустам Холматовдан узр сўрайди.

#Рустам Холматов