У фуқародан кадастр ҳужжатларини расмийлаштириб бериш эвазига талаб қилинган 3 млн сўмни олаётган вақтда қўлга олинган.
Фото: Прокуратура департаменти
Бош прокуратура ҳузуридаги департамент хабар беришича, ўтказилган тезкор тадбирда Косон туман ҳокимлигининг раҳбар котиби Ғ.Ғ. фуқаро Н.Ш.нинг 12 сотихли уй-жойининг кадастр ҳужжатларини танишлари ёрдамида расмийлаштириб бериш эвазига 3 млн сўмни олган вақтида ашёвий далиллар билан ушланган.
Ҳолат юзасидан Жиноят кодексининг 168-моддаси (фирибгарлик) ва 28, 211-моддаси (пора бериш) билан жиноят иши қўзғатилиб, тергов ҳаракатлари ўтказилмоқда.
