Тошкент ҳайвонот боғида жажжи қора пантера туғилди. Бу ҳақда Экология вазирлиги хабар бермоқда.
Фото: Экология вазирлиги
Маълум қилинишича, Тошкент ҳайвонот боғида Тайфун ва Багиранинг боласи — жажжи пантера дунёга келган.
Мағрур қора пантералар — Тайфун ва Багира бир кунда, 2018 йилнинг 15 июлида туғилган. 2022 йилда эса Тошкент ҳайвонот боғига олиб келинган.
Қайд этилишича, айни дамда пантераларга ғамхўрлик кўрсатилмоқда. Жажжи пантеранинг аҳволи яхши экани айтилади.
Бундан олдин Тошкент ҳайвонот боғида фламинго болалагани хабар қилинганди.
