«Заковат» бўйича Ўзбекистон чемпиони «Мистерия» ва «Басенжи» (Россия-Қозоғистон) жамоалари «Брейн-ринг» ўйини финалига чиқди.
12 август куни Тошкентда «Заковат» интеллектуал ўйинининг биринчи Осиё очиқ чемпионати старт олди.
Икки кун давом этадиган йирик турнирда Ўзбекистон, Исроил, Кипр, Германия, Арманистон, Қозоғистон, Беларус, БАА, Латвия, Дания, Туркманистон, Қирғизистон, Тожикистон, Россия каби 14 мамлакатдан 55 та жамоа ғолиблик учун кураш олиб боради.
«Заковат» ўйинининг спорт версияси умумий соврин жамғармаси 200 миллион сўмни ташкил қилади. Ғолиб жамоалар қуйидаги миқдорда тақдирланади: 1-ўрин - 100 миллион сўм, 2-ўрин 60 миллион сўм, 3-ўрин - 40 миллион сўм.
Очиқ чемпионат доирасида брейн-ринг турнири ҳам ўтказилиб, унинг ғолибларига Чемпионат кубоги топширилади.
Мусобақанинг барча асосий ўйинлари интеллектуал ўйинлар учун махсус мўлжалланган ноёб иншоот – «Заковат Арена»да ўтказилади.
«Заковат» ўйини спорт версияси бўйича Осиё чемпионатининг биринчи кунги баҳслари якунларига кўра, Россиянинг Eclipse жамоаси биринчи, Россия ва Қозоғистоннинг «Басенжи» жамоаси иккинчи, Россиянинг «Борский корабль» жамоаси учинчи ўринни эгаллаб турибди.
«Заковат» бўйича Ўзбекистон чемпиони «Мистерия» ва «Басенжи» (Россия-Қозоғистон) жамоалари «Брейн-ринг» ўйини финалига чиқди.
